بالفيديو - يحيى الفخراني يكشف كواليس مساندته زوجته في حفل توقيع كتابها

كشف الفنان يحيى الفخراني خلال مداخلة هاتفية مع الإعلامية إيمان الحصري، ببرنامج مساء دي إم سي كواليس مساندته زوجته الكاتبة لميس جابر، أثناء حفل توقيع كتابها الأخير "حدوتة ع الماشي"، في معرض القاهرة الدولي للكتاب، وأسباب بكائه في الندوة.

قال الفخراني: "لميس استحملتني كتير وتعبتها في حياتها كتير، والست دي نعمة، واللي ربنا بيحبه يرزقه بزوجة صالحة تكون بتحبه، والحب أساسه عطاء والقدرة على العطاء دي نعمة، ولميس أصلًا طبيبة وطبيبة شاطرة، وأنا سعيد بالكتاب ده لأنها كتبت الحاجات دي بحُب شديد، وأنا كنت لامم أحفادي عشان يشوفوا ده، لأنها كتبت تاريخ الكتاب بشكل إنساني يصل للناس ببساطة، مش مجرد تاريخ جاف، هي تناولت التاريخ بالشكل اللي حبته بيه وحببت الناس فيه".

وعن عودته للدراما في رمضان المقبل من خلال مسلسل "عتبات البهجة"، قال الفخراني: "التمثيل ده هوايتي وسبت كل حاجة وروحت له، هو عشقي، والنهاردة رغم السقعة وإني تعبان، بس بالنسبة لي القعدة في اللوكيشن دي متعة.

وتابع: "هشارك في رمضان إن شاء الله بمسلسل عتبات البهجة، مسلسل اجتماعي عن رواية تحمل نفس الاسم، وهو عمل مناسب لسني جدًا وللناس اللي بلغت من العمر أرذله زيي، الشخصية مناسبة جدًا، وباخد برأي لميس زوجتي في الأعمال لو أنا متردد، لكن لو موافق مش بسألها، لكن عمومًا طول عمري باخد رأيها وهي بتاخد رأيي".

ينتمي مسلسل "عتبات البهجة" لنوعية الأعمال الاجتماعية، ويشارك به كل من سيد رجب، جومانا مراد، سما إبراهيم، جيهان الشماشرجي، دنيا ماهر، حنان يوسف، علاء زينهم، هنادي مهنا، صلاح عبد الله، عنبة، حازم إيهاب، خالد شباط، ليلى عز العرب، وفاء صادق، هشام إسماعيل، وغيرهم، والعمل من تأليف مدحت العدل، وإخراج مجدي أبو عميرة.

شارك