فيفي عبده تردّ على توقّعات العرّافة ليلى عبداللطيف بوفاتها

أثار توقّع العرّافة ليلى عبداللطيف عن موعد وفاة الفنانة فيفي عبده، جدلاً كبيراً على مواقع التواصل الاجتماعي خلال الفترة الماضية.

وعلّقت فيفي عبده على توقّعات ليلى عبداللطيف قائلةً: "فيفي عاشقة للحياة وتريد أن تعيش المزيد، زيدي من سنّ رحيلي"، لتردّ عليها ليلى مازحةً بأنها ستجعله في عمر الـ90.

وكانت فيفي عبده قد أثارت جدلاً خلال الأيام الماضية بحديثها عن أن الرقص من وجهة نظرها ليس حراماً.

وردّت النجمة المصرية على الاتّهامات التي تُساق للرقص خلال لقائها في برنامج "عندي سؤال" وقالت بأسلوبها العفوي: "الرقص حرام ليه؟ هو مش شغل زي أي حاجة؟ الباليه حرام؟ في حاجات كتير حرام، الرقص دا شغل زي أي شغل لو احترامه ولو ناسه اللي بيتفرجوا عليه واللي بيقدّروه ويحترموه".

كما تحدثت فيفي عبده خلال اللقاء عن الزواج، وتمنّت لو أنها تزوجت رجلاً يشبه والدها بطيبته وحنّيته، وأبدت أيضاً رأيها الحجاب إذ قالت: "أنا متحجبة طول الوقت، الكلام دا يتقال للناس الفالتة. أنا بعتبر إني محجبة لأني مش بعمل حاجة غلط ومش بجيب في سيرة الناس. محجبة في لساني وفي كل تصرفاتي، مطلوب مني إيه أكتر من كده! وإذا كان على الشغل لو ربنا قالي في أي وقت إلبسي الحجاب هلبسه".

وأضافت: "أنا عاملة 37 عمرة وحجيت 5 مرات، وبقول للناس متشوفوش الظاهر بس اعرفوا إن الفنانين عندهم حاجات كتير حلوة إنتم مش بتقدّروها لكن ربنا بيقدّرها، أنا لما كنت بروح مكنتش أتكلم مع مخلوق أحط حجابي أروح أصلّي صلاتي وأرجع وآخد أهلي كلهم معايا، هيقولوا عاملة دا ورقّاصة؟ طبعاً كل حاجة ليها حساباتها، عملت اللي يرضيني في الحياة ومطمنة جداً حاسة إني هقابل ربنا وأنا مستريحة في أي وقت".