مؤدي مهرجانات شهير يهاجم عمرو مصطفى: "لديه أغانٍ مسروقة ويتّهمنا باللصوصية"

شنّ مغنّي المهرجانات أورتيغا هجوماً حاداً على الملحن والمطرب عمرو مصطفى، بسبب تصريحاته التي أشار فيها إلى أن مجال أغاني المهرجانات مبني على سرقة الألحان، مؤكداً أن عمرو أيضاً لديه أغانٍ مسروقة.

وقال أورتيغا إن عمرو مصطفى هاجم مطربي المهرجانات وسبّهم واتهمهم بالسرقة، موضحاً: "عمرو مصطفى شتمنا، بيقول إننا بنسرق، لا أنا ممكن أجبلك حاجة أنت واخدها من أماكن تانية مسروقة برضو، مفيش حد صايع على حد، وفي مطربين كبار جداً خدوا ألحان من ناس والناس دي بتبقى واخدة الألحان دي من بره".

وأضاف: "لما تيجي توجّه كلام وجّهه لشخص، إنما اللي اتقال إن مجالنا مبني على السرقة، وإننا عايشين بالحرام عشان بنسرق مجهود الناس التانية لمجرد إن حد استخدم اللحن بتاعه، طب ما لحن أغنية "إلعب يلا" العالم كله غنّاها، أنا بفرح بده، لو اتسرقت وجّه للشخص اللي سرقك، متجيش تقول إن كل الناس حرامية والمجال ده فيستك وكل اللي فيه بيسرقوا".

وأكد أورتيغا أن أغلب الملحنين في الوسط الغنائي يقتبسون ألحانهم، قائلاً: "الفنان عبارة عن إنه بيبني مشروع من وحيه، ولو في لحن عاجبني من حد بستأذنه، أو بنمشي قانوني وناخد اللحن، عشان ننفذ، وكل الملحنين بيقصوا من بعض وبياخدوا من بعض، الملحن فيه ذاكرة كبيرة من الألحان والمزيكا اللي بيسمعها، فلما يجي يعمل حاجة، بيطلّع من اللي متحوّش في الدماغ بس مش بتبقى مشابهة".

مقالات ذات صلة

تفاعل كبير مع البوسترات التشويقية الأولى لمسلسل "بالحرام"

محمد رمضان يكشف سبب استبعاده من حفل ختام "الأمم الإفريقية" (فيديو)

عمرو مصطفى أورتيجا نجوم الفن مشاهير الفن نجوم الغناء