خطيبة هيثم أحمد زكي ترد بقسوة على تصريحات حورية فرغلي عن علاقتهما

في أول ردّ لإنجي سلامة، خطيبة الفنان الراحل هيثم أحمد زكي، على التصريحات التي أدلت بها الفنانة حورية فرغلي، حول علاقتها بخطيبها الراحل، والتي قالت فيها إنه توفي وهو يحمل مشاعر تجاهها، على الرغم من ارتباطه بخطيبته.

وفي رد قاسٍ قالت إنجي: "هي عايزة تعمل تريند ومشاهدات على حساب شخص متوفى، ومكنتش تجرؤ تقول أي كلام من اللي قالته وهو عايش".

وأضافت: "كل شوية تتكلم في الموضوع علشان فاكرة إن مفيش حد هيكدبها ولا يسكتها! وعيب والطريقة دي ملهاش علاقة لا بأخلاق ولا بدين إنها تقول كلام مش حلو على شخص متوفى.

ووجهت خطيبة الراحل هيثم أحمد زكي رسالة لحورية فرغلي قالت فيها: "أحسن لها تركز في شغلها علشان لما يستضيفوها في برنامج تلاقي حاجة تتكلم عليها غير هيثم الله يرحمه".

وكانت حورية قد كشفت عن أسرار وتفاصيل علاقتها بالفنان الراحل هيثم أحمد زكي، قائلة: "أنا قابلت هيثم أحمد زكي عند الأستاذ خالد يوسف لما كنا بنعمل فيلم "كف القمر"، وأنا أكبر منه بست سنين وكنا أصحاب ودخلت بيته، الهدوء اللي فيه متقوليش إن في حد ساكن في البيت ده".

وأضافت: "هيثم كان وحيد بشكل كبير وكان بيطلب الأكل ويسيبه أربعة أيام ومكنش حد بيجي يوضب له بيته، وبقيت أنا بعمل كده، وأنا حبيته جدًا وميلت ليه في وقت من الأوقات، ولكن هو كان غيور جدًا".

واختتمت حورية فرغلي: "ناس كتير بتقول إن هيثم أحمد زكي، توفى وهو لسه بيحبني، وهو حاول كتير إننا نرجع والموضوع كان بيوصل بيه لحتة خطر.