حلّت الفنانة المصرية بسنت شوقي ضيفة على برنامج "تفاعلكم" المذاع على قناة العربية، حيث أجابت بصراحة عن الـ25 سؤالاً التي طرحتها عليها مقدمة البرنامج.

وردت بسنت من خلال البرنامج على الانتقادات التي توجه لها بسبب استخدامها لكلمات باللغة الإنجليزية عديدة أثناء حديثها، مؤكدة أن هذا الشيء خارج عن إرادتها.

وقالت بسنت: "أنا متفهمة أن الناس ممكن تكون بتضايق إني بستخدم كلمات إنجليزي أكتر من العربي لكن دي البيئة اللي أنا اتربيت فيها".

وتابعت: "أنا في البيت عندي مع أهلي حتى لما بنتخانق بنبرطم بالإنجليزي، اتعودت على كده حاولت كتير وبشتغل على الموضوع لكن الناس بتتخيل إني بعمله منظرة، لكن حقيقي صعب ومش شطارة مني ومش حاجة فخورة بيها، لكن في جمل بتيجي في مخي بالإنجليزي وعشان أقعد أترجمها هاخد وقت كتير".

كما ردت بسنت شوقي على ظهورها بملابس يصفها البعض أنها جريئة وقالت: "فكرة الملابس جريئة أو لأ ليها علاقة بالذوق وتربية الإنسان اللي ممكن يكون جريء بالنسبة لناس بيكون مش جريء لناس تانية".

وكشفت بسنت شوقي أنها تنزعج من حديث البعض عن فارق العمر بينها وبين زوجها الفنان محمد فراج وانتشار أخبار أنها تكبره عمرًا وقالت: "بنزعج من اللي بيتقال إني أكبر من محمد فراج لأنها مش حقيقة كمفهوم أنا معنديش مشكلة وصريحة لكن دي لو حقيقة هطلع أقولها لأني فخورة بنفسي لكن اللي يزعجني أن اللي بيتقال مش حقيقي".

وعن موقفها من عمليات التجميل أكدت بسنت انها خضعت بالفعل لعمليات التجمير نرة واحدة في حياتها قائلة: "عملت عملية تجميل واحدة في أنفي عشان كانت اتكسرت في برنامج قبل كده".