بالفيديو - دينا الشربيني تكشف أسراراً عن كواليس "كامل العدد" وأثر غياب مصطفى درويش

بعد احتفالها بانتهاء التصوير مع فريق عمل مسلسل "كامل العدد +1"، تحدثت النجمة دينا الشربيني عن خصوصية العمل من خلال المواقف الكوميدية الحقيقية وظهور عدد كبير من ضيوف الشرف الذين سيشكّلون مفاجأة للجمهور خلال عرض المسلسل في رمضان الحالي.

وأكدت الفنانة المصرية في مداخلة هاتفية مع برنامج "كلمة أخيرة" أن "كواليس التصوير كانت حقيقية وكل المواقف اللي حصلت في المسلسل كنا بنضحك عليها بجد، مثلاً مشهد "الفلاية" كلنا بقينا بنهرش غصب عننا جاتلنا حالة...".

ولفتت إلى أن المسلسل "هيظهر ضيوف شرف كتير هيكونوا مفاجأة للجمهور، والفنانة ميمي جمال إضافة كبيرة للعمل".

وتابعت بحزن: "غياب الراحل مصطفى درويش أثّر علينا وكان صعب جداً، وكنا بنفكر لما هنعمل الجزء التاني هنعمل إيه لأننا كنا عيلة، لكن الكتّاب لقوا طريقة حلوة أنه يكون معانا، هو موجود معانا طول الوقت وحتى الطفل الصغير اسمه عمر".

واختتمت دينا الشربيني حديثها بالقول: "كان هدفي من مسلسل "كامل العدد" إن الناس كلها كعيلة تتجمع وتتفرج على مسلسل واحد زي زمان، كنا نقعد الأب والجد والجدّة والأطفال، الحمد لله حققنا الهدف ده السنة اللي فاتت ويا رب الناس تستمتع ويقضوا وقت مع بعض".