أحمد الفيشاوي يثير الجدل بما قاله عن الوشوم: "مش كفر"

خلال استضافته في برنامج "ع المسرح"، علق النجم أحمد الفيشاوي عن الإنتقادات التي تطاله باستمرار بسبب الوشوم الكثيرة التي تغطي جسمه.

وعلق على المنتقدين قائلاً: "أنا مقتنع بالتاتو اللي بعمله مليون في المية، وأنا فرعوني والتاتو ده من أيام الفراعنة، والفراعنة كانوا بيرسموا على أجسامهم الرسومات".

ونفى أن يكون تعدد الوشوم على جسمه دليلا على تعدد الانتماءات أو مشكلة نفسية، قائلاً: "التاتو مش دليل على تعدد الانتماءات بالعكس، القبائل في السابق كانت بتعرف المنتمين لها بالوشم وأنا عمري ما أفكر أمسح التاتو ومش ندمان على أي تاتو عملته".

وأضاف: "أنا مصري فرعوني من الصعيد، عندنا التاتو ده من أيام المصريين القدماء وعلشان كده أنا مقتنع بيه، ومرة واحد من الصعيد سألني مش اللي أنت عامله ده كفر؟ فقلت له ممكن اسأل سؤال، هو جدّتك كافرة؟ قال لي لأ طبعاً، فقلت له مش جدّتك عندها حاجات رسماها، قاللي أيوا، قلت له طيب جدّك كافر؟ ردّ لا طبعاً أعوذ بالله، فقلت له مش عامل عصافير في راسه؟ أجاب أيوا، فقلت له يبقى كفر إيه اللي انت بتتكلم عليه".