خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس كشف الفنان صبري فواز، حقيقة خلافه مع المخرج خالد يوسف، والأسباب التي دعته للهجوم على الفنانين يوسف الشريف وماجد المصري، كاشفاً حقيقة تعرضه للتهديد بالقتل بعد دوره في مسلسل "الاختيار 3".

وقال صبري فواز في تصريحاته:

- مفيش أي خلافات بيني وبين المخرج خالد يوسف، ومعنديش أي موانع إني أشتغل معاه تاني، ولو فيه دور مناسب هيقولي وأنا هوافق، وأتشرف بالشغل معاه.

- لم أتعرض لأي تهديدات بعد تقديمي شخصية الرئيس المعزول محمد مرسي في مسلسل "الاختيار 3".

- الناس على السوشيال ميديا بدأوا يشتموني في بداية مسلسل الاختيار 3 لما شافوا بوستر تمثيلي لشخصية محمد مرسي وأول لما المسلسل اتذاع محدش شتم والحمد لله مفيش أي تهديد ليا.

- قدمت شخصية محمد مرسي بمنتهى الصدق دون سخرية، وكنا نوثق التاريخ فقط دون أن نسخر منه أو نسقط عليه أي إسقاطات".

- كلنا فرحانين بالنهضة الفنية في السعودية، والتوأمة الفنية بيننا دي حاجة حلوة كويسة ومفيدة للبلدين، وكنت سعيد إن تركي آل الشيخ نجح في إنه يرجع النجوم تحضر حفلات تاني في الأوبرا.

- بقول ليوسف الشريف يروح يشوف شغلانة حلوة فيها حاجات من اللي أنت بتحبها غير شغلانتنا، طالما التلامس والفن مش عاجبك روح شوفلك شغلانة تانية ويا سيدي بلاش محدش غصبك واحنا مش بنضربك على إيدك.

- عايز أشوفه في عمل جديد وأشوف التجربة المثيرة بتاعته اللي من غير تلامس ومش عارف بتتعمل إزاي دي، إنهم يدعون إلى فن جديد.

- الفنانين اللي بيرفضوا عمل بناتهم في الوسط الفني بقولهم يا سيدي أنت شايف الشغلانة وحشة بلاش منها.

- أنا مهاجمتش ماجد المصري ومعنديش مشكلة مع أي أشخاص ولكن تصريحه كان لازم يكون واضح بشأن رفضه دخول بناته الوسط الفني، مش عايزين نعمل سمعة وحشة للشغلانة تضرها، وبنتي لو قالت لي عايزة أمثل هي حرة وأنا هاكون في ضهرها.