بالفيديو - صلاح الشرنوبي يكشف للمرة الأولى أسباب خلافه مع عمرو دياب

خلال لقائه في برنامج "حبر سرّي" الذي تقدّمه الإعلامية أسما إبراهيم على قناة "القاهرة والناس"، كشف الموسيقار صلاح الشرنوبي عن رأيه في مطرب الراب ويجز، وأعلن للمرة الأولى أسباب خلافه مع النجم عمرو دياب، ورأيه في المطربين الشعبيين.

وقال الشرنوبي:

- "تعجبني أغاني الراب كقالب غنائي ولكني أنتقد سلوكيات أصحابها من ناحية الكلام والثقافة".

- "ويجز ومروان بابلو دول كويسين وبيمثلوا مصر كويس، ولكن أنا ضد المهرجانات لأنها خارج الذوق العام".

- "لا أعارض منهج تعاقب الأجيال ولكن أرفض الطريقة والسلوك المتدني".

- "أحمد شيبة قوامه مختلف وكويس أما محمود الليثي فعايز يهزّر علشان أكل العيش والشغل، وبوسي فظيعة ومغنية جامدة جداً بس هي بتمشي في السكة علشان الشغل وحفلات أكتر، الأغاني الشعبية حلوة بس تكون طريقتها مناسبة".

- "كان لازم أعمل تاريخ مع عمرو دياب وهو بيعرف يسوّق نفسه صح وبيعمل الحاجات اللي تليق بيه ومعندهوش هفوات ومتميز وبيحدّث نفسه علطول".

- "قابلت عمرو دياب حوالي أربع مرات وبنفكّر في مشاريع بس المشكلة إنه سايق المسألة بطريقته والمشروع اللي بينّا مكملش، هو بيوجه أغانيه صح بدليل إنه عايش لحد دلوقتي وعنده رؤى فنية، ولكن أنا في فترة معينة تمنيت نشتغل مع بعض بس كان نفسي في قوالب مختلفة وكان نفسي أعمله حاجة شرنوبي اللي هي أنا تميزت بها".

- "سبب الخلاف أغنية "إيه سهرني وإيه حيرني"، دي كانت أغنية عمرو دياب وأخدتها واديتها لسميرة سعيد، المرة الوحيدة اللي يوصل المشروع للنهاية بس بعد لما اختارها حس انها مش متواكبة مع المجموعة اللي عملها وعلشان كده كان راكنها وعلشان كده راحت لسميرة سعيد، ودي مش أول واقعة".