خلال استضافته في البرنامج الإذاعي "كلّم ربنا"، الذي يقدّمه المذيع أحمد الخطيب عبر الراديو 9090، كشف الفنان شريف خير الله عن مواقف إنسانية عدة مر بها وأثرت في مشواره الفني بشكل كبير، وقال إنه تعرض لحادث سير مروّع منذ سنوات، مضيفاً: "علاجي استغرق شهور... واختفيت عن الأنظار لدرجة كتابة أخبار على المواقع والصحف بأني تُوفيت، وكانت السوشيال ميديا بتترحّم عليا لدرجة إن أحد الأصدقاء شافني صدفة اتخض إني لسة عايش".

وكشف خير الله تفاصيل أزمة مرض والده التي أثرت في عمله، فقال: "تركت الشغل ومكنش عندي اللي أصرف بيه على أولادي وبنام بالليل وأنا بعيط بالدموع لكن كان عندي ثقة تامة إن ربنا مش هيسيبني... وكنت بكلّمه أقوله أنت الرزاق... خليك جنبي... فك لي ضيقتي... وفجأة وصلني اتصال من جهة عمل عشان أتعاقد على مسلسل كبير جداً وعمل فني مهم هو "الاختيار"... مكنتش مصدّق نفسي... وقعدت أقول الحمد لله وسجدت لربّنا سجدة شكر... وأدركت بالفعل إن ربنا جنبي وكان سامعني".

وأشاد شريف خير الله ببرنامج "كلّم ربنا" قائلاً: "برنامج "كلّم ربنا" فكرة مهمة للناس علشان يتعرفوا على تجارب بعض ويشوفوا أد إيه ربنا بيقف مع الناس ويسترها معاهم وينجّيهم".