مروة عبد المنعم تكشف سراً كبيراً عن سبب ارتدائها الباروكة

كشفت الفنانة مروة عبد المنعم في منشور لها على حسابها الخاص بـ"فيسبوك" عن السبب الحقيقي وراء ارتدائها الباروكة مؤكدة أنها تعلمت الكثير من أزمتها الصحية التي مرت بها.

وقالت مروة في منشورها: "وأخيراً إفراج نهائي من الباروكة.. بعد دوامة نفسية سيئة جدا دخلت فيها.. وصلتني لـ٧٠ كيلو وسقوط شعري بالشكل ده.. اتضطريت ألبس فيها الباروكة.. وواحدة واحدة بدأت أفوق بفضل ربنا وأرجع لوزني وشكلي.. لكن فضل شعري في الأزمة.. وطبعًا هو ماتعالجش بنسبة ١٠٠ في المية.. بس أخدت الأمر بالإفراج عنه وتكملة العلاج عادي..".

وتابعت مروة: "أنا كان فيه ناس كتير بتقعد تقولي إنتي لابسه باروكه ليه.. شكلك مش حلو فيها.. بس ماكنتش عايزه أقول وقتها ولا عايزه أتكلم.. بس كان الكلام بيوجعني قوي ويزعلني علي نفسي جداً.

الخلاصة يا جماعة.. محدش ينقد حد على شكله.. محدش عارف جوه الكواليس فيه إيه.. بلاش نقد وتعليقات".

وأضافت: "دلوقتي أنا أقدر أقول وأتكلم ولا أخجل.. أنا مريت بأزمة نفسية كانت صعبة عليا جدا.. عمري ما كنت أتخيل إن الوجع النفسي ممكن يدمر بالشكل ده.. لحد ماعشته وجربته، بس اللي كان بيوجع أكتر هو تدخل الناس في شكلي ولبسي للباروكة.. أنا عايزة أقولكم أنا أكتر إنسانة في الدنيا لا ليا في ميكب ولا باروكة ولا اي حاجة صناعي.. وكون فكرة إني أربط حياتي بباروكه كنت بتخنق وبموت منها.. فمكنش ناقص تعليقات كمان..

دلوقتي أقدر أقول لكل الناس اللي قالتلي إنتي لابسة باروكة ليه.. اتفضلوا حضراتكم الصوره تتحدث عن نفسها"..

وكشفت مرة عن إصابة رأسها بمرض الثعلبة، حيث كشفت عن رأسها وقد ظهرت فيها منطقة فارغة من الشعر.

الجدير بالذكر أن مروة عبد المنعم شاركت في السباق الرمضاني لعام 2024، من خلال مسلسل "بقينا اتنين"، الذي ضم العديد من الفنانين، أبرزهم شريف منير، رانيا يوسف، نانسي هلال، ميمي جمال، الراحل طارق عبد العزيز، وآخرون، والعمل من تأليف أماني التونسي.

مقالات ذات صلة

مروة عبد المنعم تدافع عن مها الصغير بعد أزمة اللوحات المسروقة

مروة عبد المنعم تثير الجدل بحديثها عن تعرّضها للنَّصب (فيديو)

مروة عبد المنعم