رامي جمال يروي تجربته مع البهاق ويكشف ردّ فعل الجمهور

كشف المطرب رامي جمال عن رد فعل جمهوره بعد إعلانه عن إصابته بالبهاق، قائلًا: "وجدت إنستغرام كله عندي رسائل، وكان من بينها رسالة لأم تقول لي فيها "مش عارفة إزاي أشكرك إنك اتكلمت في القصة دي، أنا ابني في المدرسة كانت أكثر حاجة مضايقاه هو وزملاءه إنه عنده بهاق، أنا بقيت أقول لابني، شفت عمو مشهور وعنده بهاق".

وأضاف: "بعد إعلان إصابتي بالبهاق، تم عمل مسلسلين في خلال سنتين يناقشان مرض البهاق، ورأيت ناس كتيرة كانت مكسوفة من البهاق وخائفة لكنها بدأت تتكلم إنها مصابة بالمرض ده. أنا مبسوط لسبب وهو إن البهاق ليس "ذلة" ولكنه ابتلاء من ربنا، وفي النهاية هو شوية ألوان أنا بالنسبة لي اتعوّدت عليه ومبقتش أشوفه".

واختتم رامي جمال حديثه بالقول: "أشكر الفنان أمير كرارة، هو كلّمني من شهر، وقال لي إن فيه دكتور شاطر أوي عمل حقنة للبهاق وتأخذها كل أسبوع لمدة 6 أشهر، فقلت له بأني لم أقرأ شيئاً عن هذه القصة، وخايف أجرّب، وأقولك على حاجة كمان وهي إني مش محتاجها ومش عايز أعملها، مش هجرّب لأني مبقتش شايفه وأنا مش مضايقني خلاص الحمد لله".