نادين نسيب نجيم تردّ على منتقدي إطلالتها في حوض الاستحمام

30 آب 2024

نادين نسيب نجيم

ردّت النجمة نادين نسيب نجيم على انتقادات طاولتها عقب جلسة تصوير خضعت لها في حوض الاستحمام (بانيو)، ترويجاً لمنتجات علامتها الخاصة بمستحضرات التجميل.

وقالت الفنانة اللبنانية في فيديو نشرته عبر حسابها في تطبيق "سناب شات": "قال بكفي صور بالبانيو، على رأي ما بعرف مين، حدا بيضل ينكّت عليي مفكّر حاله مهضوم. إن شاء الله بتصوّر بالطنجرة، شو بدّك فيي؟ أنا يمكن شايفة إنو هيك عبالي، وهيك بيناسبني وبيناسب الـ product. بشو متعبتك أنا؟ مزعوجة من البانيو؟ نقلي علمطبخ. كتير بحبّو حدا يعملكن بلوك. شي غريب عجيب العالم والله العظيم".

✨️أنتي نيتك عاطله مدام✨️😂😂😂
✨️أن شاءالله بتصور بالطنجرة✨️😂
مش طبيعي كيف فيها تغيرلنا مودنا 180 درجه😂😂😂😂
غشيانه من الستوري لحد الحيننن😂😂😂😂😂😂
مستحيل اجمل من كذا منجددد 😂😂😂😂@nadinenjeim || #نادين_نسيب_نجيم pic.twitter.com/h0lYb2VdXO
— 𝙹𝙰𝙽𝙰_ 𝙽𝙽𝙽 (@Jxoilv) August 29, 2024

وأضافت نجيم: "في وحدة بتقلّي في إيحاءات. إنتي نيّتك عاطلة. إيحاءات شو؟ وحدة قاعده عم تتصوّر وقعدت تحكي إنو هيدا الشي مرطّب. هيدا lip oil بيعطيك ترطيب وبتحسّي إنو شفايفك مرطبة. مشان هيك عبّرنا في بقصة الماي. وهي مش أول مرة منشوف هيك دعاية. في كتير عالم مرقت فيها لهل نزلة بالبانيو، وما بدا هالقد.إنو ليش هلقد اتضايقتي؟ مدام نظّفي ظنونك. نيتك مش منيحة، نيتك ما بتسوى".

وكانت نادين نسيب نجيم قد نشرت فيديو الجلسة التصويرية، وعلّقت عليه بكلمات فيها مزاح: "بعض اللقطات وراء الكواليس خلال تصوير الإعلان، كنت بردانة كتير وعم حاول ركزّ".