أسماء جلال تروي موقفاً مُحرجاً في أحد أعمالها الفنية

خلال الجلسة النقاشية التي عقدها "مهرجان الجونة السينمائي" بعنوان "إتقان الدور... الاستراتيجيات للممثلين لتقديم أفضل ما لديهم"، بحضور مجموعة من الفنانين والسينمائيين المصريين من بينهم أمينة خليل، والمخرج أحمد الزغبي، وعلي قاسم، وجّهت الفنانة أسماء جلال نصيحة الى الفنانين الشباب الذين لا يزالون يخطّون أولى خطواتهم في عالم التمثيل قائلةً: "وارد تتعرض لموقف مش لطيف وأنت بتمثل مع فنان كبير، والفكرة هي كيف تتعامل مع الموضوع، هل هتتأثر بيه ولا هتكون مركّز في المشهد".

وأضافت: "من الممكن أن تمثّل مع فنان لا يعطيك أي أهمية ولا حتى يتواصل معك وأنت مضطر تكون مركّز من أول المشروع لآخره عشان فعلاً أنت المسؤول عن نفسك والجمهور هيتفرّج على أدائك وهيقول هو ما له فيه إيه ملكش دعوة بحد خالص أنا داخلة مركزة في المشهد لو اللي قدامي هيعمل نفسه ميت أنا هكمّل".

وكشفت أسماء جلال عن موقف تعرّضت له من فنانة زميلة في بداية دخولها عالم الفن قائلةً: "في مرة كنت بمثّل مشهد فيه انهيار وكدا والممثلة اللي قدامي بتتاوب وقلت في نفسي أنا هكمّل ومليش دعوة بجد".

وعن عرض فيلم "الفستان الأبيض" في المهرجان، قالت أسماء جلال: "مستنين الفيلم بقالنا كتير وتعبنا فيه أوي من أول الممثلين للمخرجة وكلنا متحمّسين أوي لعرض الفيلم في مهرجان الجونة، وإن شاء الله يعجب الناس كلها". وأضافت: "كواليس الفيلم مع باقي فريق العمل كانت ألذ حاجة في الدنيا وكنا كأننا رايحين نصوّر مع عيلة بنقعد مع بعض وناكل مع بعض".

وعن التعاون مع الفنانة ياسمين رئيس، قالت أسماء جلال: "بحبها كتير واشتغلت معاها وعايزة أشتغل معاها تاني... واللي شدّني في الدور إنه مختلف عني وفيه معاناة البنتين بيمروا بيها... وفكّرني بالأفلام القديمة اللي بحب أتفرّج عليها، وتحديداً فيلم "بنات وسط البلد"".