بالفيديو - هند عبد الحليم تكشف سبب دخولها المستشفى

04 تشرين الثاني 2024 | القاهرة - "لها"

هند عبد الحليم

نشرت الفنانة الشابة هند عبد الحليم عبر حسابها الخاص في "إنستغرام" فيديو كشفت من خلاله الأسباب التي اضطرتها لدخول المستشفى إثر تعرضها لوعكة صحية خلال الفترة الماضية.

وظهرت هند في الفيديو وهي توجّه الشكر الى كل من سأل عنها، كما أسدت نصائح الى الجمهور، قائلةً: "أول حاجة عايزة أشكر كل الناس اللي كانت بتسأل عليّ سواء بعتتلي أو كلّمتني أو كانت بتحاول تكلّمني وتوصلّي وبعتذر جداً لو مكنتش قادرة إني أرد بسبب التعب اللي كنت فيه وشكراً لكل حد دعالي ولكل حد زارني شكراً جداً جداً أنا الحمد لله دلوقتي أحسن وبتحسّن".

وأضافت: "تاني حاجة عايزة أقولها يمكن أقدر أفيد أي حد اللي حصلي ده بسبب حقن التخسيس مطولتش فيها خالص أخدت شهر وأسبوع تقريباً تعبت جداً ودخلت المستشفى وحصلي شلل مؤقت في المعدة خلّاني مكنتش عارفة آكل ولا أشرب وألم رهيب وكنت قاعدة على المحاليل، نصيحتي لو أي حد عايز يعمل كده لازم تتابعوا مع دكاترة وتعملوا التحاليل اللازمة عشان تشوفوا لو جسمكم هيستحمل ويبقى قابل لده أو لأ، بس كده".

يُذكر أن هند عبد الحليم شاركت في موسم رمضان 2024 ببطولة مسلسل "أعلى نسبة مشاهدة" الى جانب: سلمى أبو ضيف، ليلى أحمد زاهر، فرح يوسف، جلا هشام، انتصار، محمد محمود، أحمد فهيم، إسلام إبراهيم...، وهو من تأليف سمر طاهر وإخراج ياسمين أحمد كامل، ومكوّن من 15 حلقة، وعُرض في النصف الأول من الشهر الفضيل.