حورية فرغلي تفجّر مفاجأة عن منشوراتها عبر السوشيال ميديا

فجّرت الفنانة حورية فرغلي مفاجأة من العيار الثقيل عمّا يتم نشره عبر حساباتها الشخصية في مواقع التواصل الاجتماعي، مؤكدةً سرقة حساباتها منذ أربع سنوات.

وقالت حورية على هامش مشاركتها كعضو لجنة تحكيم في "مهرجان الأفلام القصيرة": "مش أنا اللي بكتب على السوشيال ميديا، الناس دي سارقة صفحاتي بقالهم أربع سنين، وأنا من وقتها مكتبتش أي حاجة على الميديا ولا بشوف أي حاجة بتتكتب، وأنا رفعت قضية".

وعبّرت حورية عن سعادتها بحضور المهرجان، قائلةً: "بقالي كتير أوي محضرتش مهرجانات فأنا مبسوطة أوي خاصة إني عضو لجنة تحكيم دي حاجة جديدة عليّ، أنا بقالي فترة متابعة الأفلام القصيرة وأحب إني أعمل فيلم قصير، ولكني شايفة إنهم محتاجين مساعدة أكثر ونعمل مهرجانات أكثر علشان الشباب يقدر يعمل أفلام أكثر".

كما تحدثت عن العملية الجراحية الأخيرة التي خضعت لها في الأنف، فقالت: "أكتر حاجة مبسوطة بيها إن العملية الأخيرة في مناخيري نجحت وبقيت أشمّ وأستطعم الأكل، بقيت أتنفس من مناخيري".

وعن تساؤلات الجمهور حول زواجها، أجابت حورية فرغلي: "موضوع جوازي ده لما يأذن ربنا ويبعت، لغاية دلوقتي مفيش".