ألفت عمر تكشف تطورات الحالة الصحية لوالدها

نشرت الفنانة ألفت عمر، عبر حسابها الخاص على "فيسبوك" منشوراً كشفت من خلاله عن تطورات الحالة الصحية لوالدها بعد تعرضه لوعكة خلال الساعات الماضية، أدت إلى دخوله العناية المركزة بأحد المستشفيات الكبرى بالقاهرة، حيث خرجت بمقطع فيديو ظهرت فيه وهي منهارة بالبكاء مطالبة بالدعاء له بالشفاء العاجل.

كتبت ألفت في منشورها: "إمبارح طلبت دعواتكم النهاردة حبيت أقولكم الدعوات جابت نتيجة، وثاني أكسيد الكربون نزل معدله في الدم كان 120 وده خطر جدًا، دلوقتى بقى 80 لسة في خطورة على حياته".

أضافت: "بشكر من قلبي كل حد دعا لي، دعواتكم هي السبب ربنا قال خدوا بالأسباب والدعاء بيغير القدر الحمد لله في تحسن ضعيف بس لسه في أمل".

كانت ألفت عمر قد نشرت عبر حسابها الخاص على "فيسبوك" مقطع فيديو ظهرت فيه منهارة في البكاء وهي تعلن أن والدها يمر بأزمة صحية حادة، مطالبة متابعيها بالدعاء له بالشفاء.

قالت ألفت: "بابا في حالة صعبة، هو في حالة حرجة جدًا وعلى جهاز التنفس الصناعي، والدكتور قال إن شاء الله في أمل".

أضافت: "طالبة من كل الناس اللي بتحبني أو اللي متعرفنيش أولا ياريت الفيديو ده كل اللي يشوفني يشيره، وعايزة منكو تدعوله، وأول ما الدكتور قال كلمة دعاء فكرت فيكم".

تابعت ألفت عمر: "أي حاجة حلوة أو أي مبدأ أو قيمة بابا اللي علمهالي، بابا ده أكرم الناس، بيته من وإحنا صغيرين مفتوح لكل الناس والخير كله عنده، قلبه كبير جدًا، وكان من كام يوم بيسأل على كل الناس بالتليفون ويطمن عليهم رغم إنه تعبان، وحتى الناس اللي على خلاف معايا بيحبوه. النهاردة الجمعة ربنا يسمع منا كلنا".