منة عرفة توجّه رسالة اعتذار الى إلهام شاهين وأشرف زكي

وجّهت الفنانة الشابة منة عرفة رسالة اعتذار الى الفنانة إلهام شاهين والدكتور أشرف زكي نقيب الممثلين، عن تصريحاتها السابقة ضدهما في أزمتها مع طليقها محمود المهدي.

وكتبت منة في رسالتها الى إلهام شاهين عبر حسابها الخاص في "إنستغرام": "أستاذتنا ونجمتنا الكبيرة وقدوتنا اللي دايما بنفتخر بيها، دايماً بكون مبسوطة وفرحانة بحضرتك لما بشوفك في أي احتفالية أو مهرجان أو تكريم، لأنك بجد تستاهلي كل التقدير والاحترام والمحبّة، أنا عايزة أستغل الأيام الجميلة المفترجة اللي إحنا فيها دلوقتي وأقولك كل سنة وحضرتك طيبة وجميلة، وقلبك طيب وجميل وأبيض زي ما اتعودنا عليه، وناجحة وبخير دايماً يا رب، وأعتذرلك وأقولك أنا آسفة عن أي حاجة صدرت مني تجاه حضرتك في يوم من الأيام أنا مكنتش أقصدها، أنا بحبك وبحترمك جداً وبقدّرك وبقدّر فنك".

كما وجّهت منة رسالة الى الدكتور أشرف زكي، قالت فيها: "نقيبي وأستاذي ومعلّمي والأب الروحي ليا ولينا كلنا، بعتذرلك عن أي حاجة ضايقتك مني في يوم من الأيام، أو أي حاجة صدرت مني بدون قصد تجاه حضرتك كلنا أولادك وبنتعلم منك، وأنا أولهم وآسفة لحضرتك على أي لحظة حضرتك اتضايقت فيها وكنت أنا السبب، حتى لو كانت مش مقصودة".

يُذكر أن منة عرفة تشارك في مسلسل "وتقابل حبيب"، وهو بطولة: ياسمين عبد العزيز وكريم فهمي وخالد سليم، ومن تأليف عمرو محمود ياسين وإخراج محمد خبيري.