تامر حبيب يكشف سراً عمره 18 عاماً عن فيلم "تيمور وشفيقة" (فيديو)

25 كانون الثاني 2025 | القاهرة - "لها"

تامر حبيب

خلال لقائه في برنامج "التوليفة" مع الكاتب أحمد مراد عبر إذاعة ونجوم FM، استعاد السيناريست تامر حبيب ذكرياته مع فيلم "تيمور وشفيقة" الذي قام ببطولته الفنانان أحمد السقا ومنى زكي، كاشفاً للمرة الأولى عن تعرضه لانتقادات شديدة من السيدات بسبب قصة الفيلم ونهايته.

حكى تامر قائلاً: "أنا اتهنت إهانة، اتمسح بكرامتي الأرض، من ستات مصر اللي شايلين قضية حرة أنا، لكن في ستات كانت تقولي هاتلي بس "تيمور" الحمش اللي يخلي باله مني وأنا أقعد في البيت منزلش منه".

تابع: "أنا كنت كاتب نموذج من أصحابنا الراجل الحمش اللي بيفضل يقول متعمليش كذا وهما بيبقوا فرحانين، "شفيقة" كانت بترد وبتعمل اللي هي عايزاه في الآخر، بس لما جت فكرة إنها سابت الوزارة والله العظيم أنا لو أعرف أنهم هيحسوا بالمهانة أو هيتفهم من وراه إني عايز أرجع عصر سي السيد هغير النهاية، أنا مش عايز أكون الراجل اللي بيدعو إن الست تتخلى عن أحلامها عشان خاطر حد، بس الفيلم خلص بخناقة مش أنها بتتخلى عن حاجة".

واختتم حبيب كلامه: "كان دايمًا بيتعمل مقارنة مع فيلم "مراتي مدير عام" لكن الفكرة إن فيلم "مراتي مدير عام" أحداثه كلها كانت بتدور في شركة، لكن في "تيمور وشفيقة" أنا كنت بتكلم عن الحب البريء بين الجيران".

يذكر أن فيلم "تيمور وشفيقة" تم عرضه عام 2007، وقام ببطولته كل من: أحمد السقا ومنى زكي ورجاء الجداوي وهالة فاخر، ومن تأليف تامر حبيب وإخراج خالد مرعي، وتدور أحداثه حول قصة حب "تيمور وشفيقة" التي بدأت منذ الطفولة، ولكن غيرة "تيمور" وتحكمه في حياة "شفيقة" تفسد الأمر لحين وقوعها في مشكلة كبيرة فتستجيب لطلباته وتترك عملها ليتزوجا في النهاية.