سارة سلامة تكشف أسراراً جديدة عن تعاونها مع محمد رمضان

كشفت الفنانة سارة سلامة أسراراً جديدة عن تعاونها مع الفنان محمد رمضان في مسلسل "ابن حلال"، الذي عُرض في موسم رمضان 2014، وحقق نجاحاً جماهيرياً كبيراً وقت عرضه.

وقالت سارة في إحدى الندوات الصحافية: "أنا بحب محمد رمضان جداً، وطبعاً في تواصل بينا وأتمنى يجمعني بيه عمل تاني، وأنا بشوفه ناجح جداً وشايفة أنه مبيستفزش الجمهور بأي حاجة، ودايماً الناس مركّزة معاه في كل حاجة طول الوقت".

وأضافت: "أنا بشوفه ناجح جداً ومش هيجي زيه تاني، وهو جدع، وبتمنى ونفسي أشتغل معاه تاني، وأنا وهو صحاب من زمان".

وعن نجاح مسلسل "ابن حلال"، قالت سارة سلامة: "رد الفعل مكانش طبيعي، لو كنت عملت فيلم من بطولتي مكنش هيبقى كده، النجاح كان رهيب، ولما جالي الدور كنت هعتذر عنه، وخفت منه كتير، وأنا لما بخاف من حاجة بتبقى ضرب نار مش وسط حتى، واللي تخاف منه ميجيش أحسن منه".

أما عن شخصيتها في مسلسل "ابن حلال" فقالت: "هو من الأدوار القريبة جداً من قلبي، وأنا مكنتش أعرف أن المسلسل بيناقش قصة حقيقية، وفي ناس زعلت مني إني جسدت الشخصية وجريمة القتل ولكني مكنتش أعرف وافتكرت أنه دور عادي، عرفت أنها قصة حقيقية بعد ما عملت المسلسل".

واختتمت سارة سلامة حديثها بالقول: "الناس كلها بتقولي يا يسر في الشارع وطبعاً لقيت تريند هوت شورت سارة سلامة كتير جداً وأنا كنت صغيرة أوي وقتها ومكنتش أعرف أن هيبقى في كده، وقالوا لأحمد حاتم قتلت الصاروخ ليه؟".