بسمة بوسيل تحسم جدل عودتها لتامر حسني وتكشف مفاجأة (فيديو)

خلال لقائها في برنامج "عندي سؤال" الذي يقدمه الإعلامي محمد قيس حسمت الفنانة بسمة بوسيل الجدل الدائر حالياً حول عودتها لطليقها الفنان تامر حسني، كاشفة عن مفاجأة من العيار الثقيل حول مواصفات زوجها المستقبلي، لتثير الجدل حول تامر حسني، موجهة نصيحة لأصدقائها بضرورة اتخاذ خطوة الطلاق في حالة شعورهم بعدم الارتياح.

قالت بسمة: "الطلاق بعد كبير أن تدوق طعم إنك تعيش لوحدك، أنا بنصح أصحابي اللي عايزين يطلقوا عشان عندهم مشاكل انفصلوا لو لقيتوا نفسكم في الانفصال مرتاحين اتطلقوا".

تابعت: "الطلاق في الزمن اللي إحنا فيه دا مفيهوش رجوع، والكلام دا انساه، دلوقتي اللي بيطلق مبيرجعش مستحيل، بيبقى في بعد كبير بتبقوا غرب عن بعض".

وعن فكرة الرجوع لتامر حسني قالت بسمة: "الرجوع بيبقى ليه بوادر أنا ماشفتهاش، لما بيبقى في رجوع بيبقى في مشاعر بين الاتنين ومش بعاد عن بعض، لما اتنين بيبقوا بيطلقوا وهما عايزين يرجعوا بيبقوا مظبطين نفسهم إن فيه طريقة للطلاق بيبقى فيه خيط للرجعة، أنا بالنسبة ليا أنا وتامر مش بنفكر نرجع لبعض والكلام اللي على النت مش عارفة مين اللي بيطلعه، لكن زي ما قال تامر في ناس بتحاول يصلحوا ما بينا، بيتكلموا الطبيعي ومش فاهمين حاجة في العلاقة ما بينا".

وعن المواصفات التي تبحث عنها في الرجل في حال فكرت في الارتباط مجدداً، أثارت بسمة الجدل بما قالته عن الخيانة، حيث أكدت: "في اللي جاي أنا عايزة واحد يبقى قريب من ربنا، مش عايزه حد متدين أوي لكن بيعرف ربنا عشان يراعي ربنا فيا، ويكون بيصلي خمس مرات في اليوم وأشوفه قدامي بيصلي عشان دا العمود بتاع كل حاجة، لما أنت بتخاف ربنا بيكون في تربية من جواك، مش هقدر أكذب عشان ربنا هيزعل مني فهقول الحقيقة ومش هخون، لأن زي ما هعمل هاخد".

وعن فكرة جنسية الرجل الذي تتمنى الارتباط به إن كان مصريا أو مغربيا أو حتى أجنبيًا قالت بسمة بوسيل: " أنا كده كده لازم أتجوز مسلم عاوزة واحد بيعرف ربنا وبيخاف منه لأن بعد كده كل حاجة بتظبط، مش عارفة جنسيته إيه بس لازم مسلم".

وأوضحت بسمة بوسيل أنها حتى الآن غير مستعدة للارتباط قائلة: "أنا لسة مش جاهزة للارتباط، أنا دلوقتي مش بستحمل حد يتحكم فيا أبدا لو قالي متسافريش مثلا ممكن أتجنن، عايزة أكون مع نفسي في راحة، عايزة أصحى الصبح أسافر أي مكان أو أدخل استديو أغني أو أروح شركتي أو أسافر المغرب لأهلي، لما تبقى حاسس إنك مسجون وطلعت من السجن طبيعي مش هتبقى عايز حد يكلمك، عايزة حرية، ودي ترسبات عن الماضي".

مقالات ذات صلة

تامر حسني يوجّه رسالة مؤثرة لجمهوره بعد نجاح أول حفلاته عقب الأزمة الصحية

تامر حسني يشعل مواقع التواصل الاجتماعي بأغنية مع أحمد فهمي وأسماء جلال (فيديو)

بسمة بوسيل تامر حسني