ملك أحمد زاهر تكشف تجاربها مع الحسد وسبب خوفها منه

10 شباط 2025 | القاهرة - "لها"

ملك زاهر

كشفت الفنانة ملك أحمد زاهر عن تجاربها مع الحسد وأسباب خوفها منه وكيف تتعامل معه، مشيرةً الى أنها دائماً تحصّن نفسها من السحر والحسد بقراءة القرآن.

وقالت ملك في تصريحات صحافية: "بخاف من الحسد جداً ودايماً باخد بالي وبقول الأذكار وبقرأ قرآن وبحصّن نفسي وطبعاً الحسد مذكور في القرآن". وأضافت: "وحتى لو بخاف من الحسد كتير بس سايباها على ربنا وحسّيت إني اتحسدت في مواقف كتير لما بحكي حاجة مبسوطة بيها أوي وبعدين تفشل وتبوظ أو أدخل في حاجة ومتكمّلش أو أتعب مثلًا وأحس إني اتحسدت".

وعن الشخصية التي تتمنى تقديم سيرة حياتها في مسلسل، قالت: "مبحبّش أعمل سيرة ذاتية لحد، بس بحب أعمل أدوار جديدة متعملتش قبل كدا والإنسان في التمثيل بيبقى مخلوق على الورق مش حد حقيقي".

وعن الأدوار التي تتمنى تجسيدها، قالت ملك أحمد زاهر: "بحب أشتغل كل حاجة وأجرّب كل حاجة بس لازم الدور يكون كويس ومؤثّر حتى لو صغير". وأضافت: "لازم يكون المخرج شاطر والمؤلف شاطر الحاجات العادية بتبقى عوامل نجاح أي عمل تخليني أقبل أو أرفض أي عمل ودوري لازم يكون مؤثر مش مهم مساحته بس الأهم يكون مؤثر في الأحداث ويضيف لي زي ما أنا هضيف له".