عزيز الشافعي يردّ على اتهام أحمد سعد بسرقة عمرو دياب

ردّ الملحن عزيز الشافعي على جدل سرقة ألحان بعض أغاني الفنان أحمد سعد في ألبومه الجديد "حبيبنا" من ألحان أغاني الفنان عمرو دياب.

وقال الشافعي في تصريحات صحافية: "الناس كلها بتتعلّم وبتمشي ورا عمرو دياب وهو أهم فنان في الوطن العربي زي ما اللي قبلنا اتعلموا من أم كلثوم وعبد الحليم حافظ وكان عندهم أغاني شبه بعض لكن مش متطابقة". وتابع: "التشابه بين الأغاني أمر طبيعي وعادي لأن ده روح فن واحدة وبنتعلم من الناس اللي قبلنا زي العندليب وأم كلثوم".

وكان أحمد سعد قد أكد خلال ظهوره في برنامج "الحكاية" مع الإعلامي عمرو أديب على قناة MBC مصر، أنه تأثر كثيراً بمسيرة "الهضبة"، واعتبره مصدر فخر وإلهام للأجيال الفنية.

وقال ردّاً على اتهامه بسرقة ألحان عمرو دياب: "إحنا نبقى مجانين لو متأثرناش بعمرو دياب، ده هو اللي مشرّفنا ورقم واحد من ساعة مع اتولدنا، لو اتأثرنا بيه يبقى إحنا فعلاً بنفهم. واستنونا كمان 30 سنة، وأنا أعمل نفس فلوسه".