تارا عماد تصدم الجميع بما قالته عن علاقتها السيئة بوالدها (فيديو)

خلال لقائها ببرنامج After ABtalks، الذي يقدمه الإعلامي الإماراتي أنس بوخش، عبر قناته الخاصة على "يوتيوب" تحدثت الفنانة تارا عماد للمرة الأولى عن علاقتها بوالدها، موضحة أنه ليس له دور في حياتها وأنها ليست على تواصل معه.

قالت تارا: "والدي ملوش دور في حياتي ودا بطلب مني، ممكن نقول إنه طلب يرجع ويتواصل لكن أنا أفضل إنه لأ".

تابعت: "أصحابي شافوه في عزاء والدتي لكن أنا مش فاكرة حاجة، في ناس كتير سلمت عليهم".

وعن مسامحتها لوالدها قالت تارا عماد: "سامحت والدي عشان نفسي ومن مسامحتي ليه قررت إني عايزة آخد بالي من نفسي ومش عايزة علاقة معاه.. السماح أنا مش غضبانة ولا حزينة ولا بعاتبه ومش شايلة جوايا أي حاجة غير إني عايزة أبقى مستريحة مش عايزة أشيل هم حد أشيل هم نفسي وبس".

أكملت: "ممكن تكون ناس شايفة إني شريرة إني مش عايزة يبقى عندي أي نوع صلة مع والدي بس أنا دا اللي مريحني".

وعن آخر تواصل بينهما قالت: "آخر مرة والدي كان في حياتي وأنا عندي تقريبا 23 سنة، هما اتطلقوا بدري أوي، ومكنش موجود كتير في حياتي، مامتي كانت بتنصحني أعملي اللي يريحيك بس أنتي هتضايقي لو حاجة حصلت له".

واختتمت تارا عماد حديثها عن والدها قائلة: "لو توفى ممكن أروح الدفن والعزاء معرفش وقتها هحس بإيه، علاقتي معاه ضئيلة أوي على مدار السنين اللي كنت عارفاه فيها ومش حاجة حاسة إني ممكن أبني عيلها أحاسيس بالوجع والقهرة والانهيار".