كارولين عزمي تردّ على الانتقادات وتشبيهها بياسمين صبري

ردت الفنانة كارولين عزمي، على الانتقادات التي طالتها طوال شهر رمضان بسبب ملابسها وتصفيفة شعرها خلال أحداث مسلسل "فهد البطل"، بطولة الفنان أحمد العوضي.

قالت كارولين في ندوة صحافية: "البنات الشعبي أحلى بنات وبيبقوا مهتمين بنفسهم جدًا ومش مبهدلين زي الأفكار اللي بتجيلنا، لما شفت بنات بعبايات هما زي القمر، وأنا قربت جدًا من البنت الشعبية وكنت لابسة عبايات واسعة طول الوقت".

تابعت: "الناس انتقدت إن راوية بتعمل شعرها مع أنهم المفروض مش معاهم فلوس، قبل ما فهد يتسجن راوية كانت بشعرها الطبيعي، وبعدين اشتغلت في البار وبقى معاها فلوس، وقصدت أعمل اختلاف بين الشكلين، وراوية مكنتش محجبة ومحستش إني بعيد عن البنات الشعبية اللي شفتهم على الطبيعة.

وتحدثت كارولين عن رأيها في بعض كومنتات الجمهور على السوشيال ميديا والتي شبهتها بالفنانة ياسمين صبري، مشيرة الى أن كل شخص له روح مختلفة عن الآخر، مضيفة: "مش حاسة إننا فينا شبه من بعض، وشوفت تعليقات الجمهور على الشبه لكن أنا بحس كل واحدة فينا ليها لونها وطريقتها وروحها فمش حاسة بوجود شبه".