مي عمر تعلّق للمرة الأولى على قرار محمد سامي الاعتزال (فيديو)

خلال لقائها في برنامج "الحكاية" الذي يقدّمه عمرو أديب عبر قناة mbc مصر، علّقت الفنانة مي عمر للمرة الأولى على قرار زوجها المخرج محمد سامي اعتزال الإخراج التلفزيوني، مؤكدةً أنه اتخذ هذا القرار قبل فترة ولا علاقة لذلك بالانتقادات التي طاولت أعماله.

وقالت مي: "محمد واخد القرار من قبل رمضان هي الناس مش فاهمة هو عمل مسلسلات كتير والمسلسلات مرهقة جداً وكلها ناجحة، لما بعمل مسلسل بخلّصه ببقى تعبانة ومش قادرة أشتغل أو أقرأ سيناريوهات، هو السنة دي عمل مسلسلين وكان كتير جداً عليه هو واخد القرار من قبل رمضان وقال أنا محتاج أريّح وآخد إجازة وأرجع تاني".

وأضافت: "الموضوع ملوش علاقة باللي حصل، المسلسلين مكسّرين الدنيا ومخلصين رمضان الأول والتاني على "شاهد"، أنا ساعات كتير كنت بقوله متشتغلش رمضان اللي جاي وريّح، المسلسل مش تصوير بس هو بيقعد يكتب ويحضر ويقعد مع الممثلين ويتابع ديكور وموسيقى ومونتاج، إحنا كممثلين الشغل بالنسبة لينا 3 أو 4 شهور هو بالنسبة ليه الشغل 9 شهور أو سنة مش بيلحق يعمل حاجة".

واختتمت مي عمر كلامها بالقول: "هو عنده خطوة مهمة شغّال عليها ويعمل الحاجات اللي نفسه فيها ويرجع تاني، هي خطوة فنية".

مقالات ذات صلة

الفساتين القصيرة… التوقيع الأبرز في إطلالات مي عمر

يارا السكري تعلّق على مشاركتها لأحمد العوضي في رمضان

مي عمر محمد سامي عمرو أديب قناة mbc مصر رمضان