ريهام حجاج تتحدث عن الأعمال الخيرية وتعلن عودتها الى السينما

كشفت الفنانة ريهام حجاج عن حبّها للأعمال الخيرية، مؤكدةً أنها تحرص دائماً على القيام بالعمل المجتمعي الخيري كنوع من أنواع التجارة مع الله، كما تحرص على البقاء مع عائلتها، معلنة عن عودتها قريباً الى السينما بعد غيابها عنها لفترة.

وقالت ريهام حجاج في إحدى الندوات الصحافية: "أنا زي كل الناس عندي بيت وأسرة وعيال وزوج وأهلي وإخواتي، أنا مش من الناس اللي شايفة إني لازم أدي للفن كل حياتي، أنا شايفة إني عندي أطفال لازم أربّيهم وأبقى موجودة معاهم وعندي زوج لازم أبقى واقفة معاه وبشاركه في كل حاجة، وعندي أهلي ليهم عليّ حق إني أبقى معاهم، وعندي بيزنس طبعاً برا الشغل، وأنا بحب العمل الخيري والمجتمعي وبيستهويني أوي، بتعامل مع مؤسسات وبتابع حالات معينة بيبقوا محتاجين دعم".

وتابعت: "الأعمال الخيرية بتستهويني، وأنا مبتكلمش على الأعمال الخيرية لأني شايفة إننا عايشين الحياة ومحتاجين نعمل توازن بين الدنيا والآخرة، لأنك لما هتقابلي ربنا هيسألك عملتي إيه في حياتك؟ مينفعش أقوله أنا عشت حياتي أعمل مسلسلات وأفلام وشهرة، فلازم يكون عندي رصيد مع ربنا بخلاف شغلي".

وكشفت ريهام حجاج عن عودتها الى السينما حيث تواصل تحضيراتها لعمل سينمائي جديد، مؤكدةً أنها تسعى لتقديم عمل مميز يليق بجمهورها ومحبيها، بالقول: "أنا حريصة على العودة الى السينما بشكل مختلف، واشتغلت على المشروع ده من بدري علشان أقدّم حاجة تليق بينا كمصريين".