سوار النجار توّجه رسالة مؤثرة لشقيقتها إيناس بعد رحيلها

نشرت الفنانة سوار النجار عبر حسابها الخاص على "إنستغرام"، صورة جمعتها بشقيقتها الفنانة الراحلة إيناس النجار، عبرت من خلالها عن حزنها الشديد بعد رحيلها قبل أيام، مؤكدة أنها ما زالت تعيش حالة من الفقد والوجع، ووجهت لها رسالة مؤثرة عبّرت فيها عن ألمها العميق لغيابها، وافتقادها لها في كل لحظة.

كتبت سوار في رسالتها قائلة: "طيب إنتي رحتي مكان جميل عند ربنا أنا بقى هكمل حياتي إزاي من غيرك؟ إزاي يا روحي إزاي يا بنتي يا صحبتي يا توأمي إزاي إنتي كنتي محور حياتي كله أنا اللي كنت بعمل كل تفصيلة في حياتك وفي يومك أنا ماكنتش بحب نفسي قد ما بحبك وإنتي كنتي بتحبيني وبتحبي ماما ولانا اكثر من نفسك طيب إزاي؟".

أضافت: "إزاي أكمل من غيرك إزاي مش موجودة معانا طيب نعمل إيه بندعي بالصبر وبنصلي وبنتوسل من ربنا إنه يصبّرنا بس إزاي هنصبر إزاي مين هيكون أحن منك غير ربنا علينا يا حنينة يا طيبة يا ملاكي دنيتي خلصت من غير توأم روحي يارب استغفر الله العظيم يارب".

تابعت سوار: "والنبي صحيني من الكابوس ده والنبي يارب يطلع كابوس أو حلم وأصحى ألاقي أختي وروحي إيناس معايا ياارب ياارب الدنيا وحشة وثقيلة وسودة في عيني يااارب قولي أعمل إيه يارب.. ردي عليا يا نوسة".

شارك