ملك أحمد زاهر تواصل رسائلها المؤثرة لشقيقتها بعد زفافها (فيديو)

نشرت الفنانة الشابة ملك زاهر على حسابها الخاص بـ"إنستغرام" مقطع فيديو شاركت به جمهورها فرحتها بحفل زفاف شقيقتها ليلى الى هشام جمال.

وواصلت ملك من خلال تعليقها على الفيديو رسائلها المؤثرة لشقيقتها منذ خطوبها ثم عقد قرانها انتهاء بزفافها، حيث كتبت قائلة: ومحدش فيهم عاش اللي أنا وانتي عشناه.. من أول ضحكة وإحنا أطفال لحد لحظة كتب كتابك… كل لحظة في الفيديو ده هو عمر كامل بينا، هو حب، وأمان، وضحك، ومشاركة، علاقتي أنا وإنتي مش شبه أي حد".

View this post on Instagram

A post shared by Malak Zaher ملك زاهر (@malak.ahmed.zaherr)

تابعت: "مش مصدقة إن الوقت جري كده.. كنّا لسه صغيرين، وبنتخانق على اللبس، وبنستخبى من ماما، وفجأة لقيتك لابسة فستانك الأبيض، أحلى عروسة شافتها عيني".

تابعت: "أنا بحبك أوي، حب مفيهوش شروط ولا حسابات، مع إن الفرق بيننا مش كبير، أقل من سنة، بس طول عمري حاسة إنك بنتي مش أختي، إمبارح بنتي اللي كانت بتتجوز مش أختي، وأنا الفرحة مش سيعاني، بس في نفس الوقت وحشتيني قوي من دلوقتي".

واختتمت ملك زاهر رسالتها بالدعاء لشقيقتها وزوجها هشام جمال قائلة: " إنتي مش بس أختي حبيبتي.. إنتي أحلى حاجة حصلتلي في حياتي، وهفضل دايمًا أقرب واحدة ليكي، أحنّ حضن، وسند من غير كلام، ربنا يسعدك يا روحي… ويخليكي دايمًا قلبك مرتاح مع عريسك الي ربنا يحفظهولك ويفضل يسعدك العمر كله، اللهم احفظ أختي وزوجها من كل سوء، وبارك لهما في حياتهما، واصرف عنهما الحسد والشر، وأدم عليهما السكينة والمودة".

مقالات ذات صلة

سمية الخشاب توجّه رسالة الى السيدات بسبب زيادة وزنها (فيديو)

أروى جودة في حفل زفافها الأول... وقبلة العروس تتصدر المشهد (فيديو وصور)

هشام جمال نجوم الفن مشاهير الفن أحمد زاهر ملك أحمد زاهر ليلى احمد زاهر