سهير رمزي تكشف سرّاً عن حياة بوسي شلبي الشخصية

كشفت النجمة سهير رمزي في مداخلة هاتفية مع برنامج "90 دقيقة" الذي تقدّمه الإعلامية بسمة وهبة سرّاً خاصاً عن حياة الإعلامية بوسي شلبي الشخصية بعد رحيل النجم محمود عبد العزيز.

وأكدت سهير رمزي أن بوسي شلبي تتلقى عروضاً للزواج لكنها ترفضها حبّاً بالنجم الراحل، حيث قالت: "هقول حاجة ميصحش إني أقولها ومش من حقي بس مضطرة إني أقولها، بوسي شلبي بيجيلها عرسان وناس على أعلى مستوى ورافضة تماماً وتقول مش ممكن أحط حد اسمه يتجاب زوجي بعد محمود عبد العزيز لا يمكن".

وأضافت: "أنا حزينة جداً، اللي الناس متعرفوش، أني بعرف محمود عبد العزيز من قبل ما يشتغل في الوسط الفني معرفة عمر وأغلب أفلامي معاه كان بيعتبر أمي أمه وأنا أخته، وهو من أجمل الشخصيات اللي ممكن نقابلها من الرجولة والتديّن، أنا حزينة أن اسمه يحصل فيه كده ليه وعشان إيه".

وتابعت الفنانة المصرية حديثها موضحةً: "هو وبوسي جيراني كنا أنا وزوجي وهي وزوجها محمود على طول قاعدين مع بعض بنسافر سوا للساحل وبنقعد نتعشّى سوا، وهو كان دمه خفيف كان بيحب "الكرشة بالدمعة" وبوسي كانت بتعملها حلوة وكان يقول "أومال أنا اتجوزت بوسي ليه؟"، بس ليه يتعمل فيها كده دلوقتي".