هالة صدقي تهاجم أشخاصاً مجهولين اتهمتهم بخذلان عمر زهران

نشرت الفنانة هالة صدقي على حسابها الخاص بـ"إنستغرام" صورة تجمعها بالمخرج عمر زهران، بعد الإفراج عنه بعدما أنهى نصف مدة العقوبة في قضية سرقة مجوهرات زوجة المخرج خالد يوسف، وظهرت الصورة وقد تعمدت هالة قص شخص ثالث موجود فيها.

وأثارت هالة جدلاً واسعاً بتعليقها الغاضب حيث وجّهت انتقادات حادة لشخصيات وصفتها بـ"المدّعين"، معبرة عن خيبة أملها في أصدقاء مقربين من زهران خذلوه أثناء أزمته.

وعلّقت قائلة: "سعيدة جدا بفرحة الناس والأصحاب الحقيقيين اللي ممكن مش بتشوفهم كل يوم وتكتشفهم في أزمتك وبالرغم من إنه كان عندي صدمة من أقرب الأصدقاء لعمر، ومنهم الوزيرة أم كرش اللي كان عمر كان بيصعب عليه ولادها ويأخذهم يخرجهم ويأخذهم يحلقوا لأن عيب ست تروح للحلاق، بس قد إيه كان إنسان في سماع كل مشاكلها وفي الآخر علشان ترضي طابوزاد بقت مع الألطيش مع إنها هي والأخت جورجيا أول ناس يعرفوا كل حاجة قبل عمر ومثلوا الاتنين وأقسم بالله إنهم أول ناس عرفوا ومثلوا إنهم ما يعرفوش أي قصص خليهم يحلفوا على مصحف لو عارفين قيمه القسم".

تابعت: "زي الأخ اللي كان ماسك عود وبيلف على التربيزات في المطاعم وعمل نفسه شاعر وشغلته يرد على بوستاتها ويل يا ويل.. بقت زيه بالظبط الأخت الوزيرة ده بيطبل ودي بتطبل".

وأضافت هالة: "وفي المقابل ناس مش أصحاب عمر خالص وقفوا ودافعوا وفرحوا من قلبهم من غير ما يدفع لهم حاجة من شوال طابوزاد ولا الأرزوجية اللي بيلموا فتافيت طابوازادا علشان يرضوها والصدمة إن الواحد كان فاكر إنهم محترمين يقبضوا حتى علشان يردولها على كومنت.. مش عارفين قد ايه بيهينوا نفسهم".

وكشفت هالة صدقي عن الأصحاب الحقيقيين، قائلة: "أصحاب عمر الحقيقيين بيرضوا ربهم مش طابوزاد، افرح ياعم بمحبة كل البشر دي المحبة من عند ربنا ومحبة البشر ده واحتفالاتهم تنسيك اللي اتعمل فيك وتأكد رد اعتبارك من ربك وربنا هيعوض كل دقيقة نمتها في السجن بسبب ناس بيطلق عليهم بشر كانوا بيعرفوا يناموا، الإحساس نعمة، الصوره اتقصت للابد".

مقالات ذات صلة

سمية الخشاب توجّه رسالة الى السيدات بسبب زيادة وزنها (فيديو)

أروى جودة في حفل زفافها الأول... وقبلة العروس تتصدر المشهد (فيديو وصور)

هالة صدقي عمر زهران نجوم الفن مشاهير الفن الوزيرة أم كرش