جويل مردينيان تُثير الجدل بتصريحاتها عن زوجها وإنجاب الأطفال (فيديو)

كعادتها، أثارت خبيرة التجميل جويل مردينيان ضجة كبيرة بتصريحاتها الجريئة عن حياتها الشخصية والمهنية وعن زوجها، خلال استضافتها في برنامج "منا وفينا".

وقالت جويل: "المرأة بالنسبة لي هي قدوة في عملها خارج المنزل وفي الاهتمام بعائلتها"، وأضافت: "أنا بحب راضي الكل، وأنا تعبانة من سنين، بس هلّق خف التعب لأن في كتير أمور تخطّيتها، وما بقا يهمني إنه لازم إسعد الآخرين، حالياً أنا قطعت نصف عمري وصحتي أهم".

وعلى الرغم من اهتمامها الدائم بشكلها وببشرتها وحرصها على إجراء بعض التعديلات التجميلية في ملامحها، أكدت جويل أنها لا تخاف من العمر، حيث قالت: "أنا ما بدّي ختير شكلياً ما بتقبّل هالشي. في جزء من عقلي بقللي أنه صرتي بنص عمرك وجزء تاني بقللي إنت بعدك صغيرة وأنا بحس حالي إني بعدني صغيرة، خاصة لما كون بصحة منيحة. أكيد أنا عم اتغيّر وكنت جذابة أكثر في السابق... أنا فخورة بسنّي، وأشجع السيدات على الافتخار بكل المراحل العمرية، وأنا أحب عندما ينظر لي الناس ويعطوني عمراً أصغر من سنّي الحقيقية".

وأشارت جويل الى أن السيدة التي تهتم بأطفالها تلفتها كثيراً، حيث قالت: "أحلى شي وأسوأ شي الأولاد، لأنهم بحاجة للكتير من الرعاية والقلق، وبالتالي اللي مش قاتل حاله انه يجيب اولاد أفضل ما يجيب، فيهن يعملوا اللي بدهم اياه ويكونوا مش قلقانين على الاولاد. وأنا ما بدي عتّل أولادي همّي بس صير بسنّ الشيخوخة. هيدي أنانية اللي بفكر أنه يجيب أولاد كرمال يهتموا في بس يكبر ويكون عبء عليهم"، وأضافت: "أنا مشكلتي مع الناس اللي ما معها مصاري وبتجيب كثير أولاد، على حياة مأساة وكرمال يصرف عليهم بعمر صغير".

وأكدت جويل مردينيان أنها تشعر دائماً بالقلق في حياتها، بالقول: "زوجي ليس مصدر أمان لي، وبصارحه بهيدا الشي، وما بيزعل لإنها هذه الحقيقة، وشخصياَ أنا لست مصدر أمان له. وكل شخص يجب أن يكون مصدر أمان لذاته".

مقالات ذات صلة

نانسي عجرم تتحدث عن كواليس زواجها من فادي الهاشم (فيديو)

أضوى فهد تعلن عن حملها وتكشف جنس المولود (فيديو)

جويل مردينيان منا وفينا حياة عائلية رفض الشيخوخة إنجاب الأطفال مشاهير الفن نجمات الاعلام نجوم السوشيال ميديا