مسلم يعتذر لمصطفى كامل والأخير يرفض

بعد اتّهامه له بعدم مراعاة حالته الصحية ووقفه عن الغناء من دون استدعائه، قدّم مغنّي المهرجانات مسلم اعتذاراً رسمياً الى الفنان مصطفى كامل نقيب المهن الموسيقية، وذلك عبر خاصية القصص المصوّرة الملحقة بحسابه الخاص في "إنستغرام".

وظهر مسلم في فيديو وهو يقول: "الفيديو ده بقدّم فيه اعتذاري للنقابة والنقيب مصطفى كامل، ولو كنت دعيت عليك أو حاجة فده بسبب إني شاب لوحدي، وكنت تعبان وملقتش حد يقف جنبي في تعبي، وبيتي اتخرب في الفترة اللي اتوقفت فيها عن الغناء".

وأضاف: "كان أقل طموحي إني أشتغل زي زمايلي، بعتذر لك وأنا زي ابنك وأنا قد اعتذاري حتى لو مش هشتغل، ومشتمتش حد أنا قولت حسبي الله ونِعم الوكيل بس، وانتوا بيتي وأهلي وأستاذ مصطفى من وقت ما مسك النقابة وهي في تطور".

من ناحيته، علّق نقيب الموسيقيين مصطفى كامل، على اعتذار المطرب مسلم له وللنقابة، قائلاً: "مكنش فارق لي لما مسلم دعا عليّ وقال حسبي الله ونِعم الوكيل، فبالتالي مش فارق لي لما يعتذر".

وحول موقف إيقاف مسلم عن الغناء، قال مصطفى كامل: "النظر في قرار إيقافه بيرجع للنقابة، وإحنا مش قرايب عشان يعتذرلي، إحنا شغّالين في مؤسسة وبيحكمنا قانون".