مي القاضي تردّ على انتقادات تقديمها هذه الشخصية

ردت الفنانة مي القاضي، على الانتقادات التي طالتها خلال الفترة الماضية، بسبب تقديمها شخصية راقصة في مسلسل "العتاولة 2"، بطولة الفنان أحمد السقا، والفنان طارق لطفي، والذي عُرض في السباق الرمضاني الماضي.

قالت القاضي، في إحدى الندوات الفنية: "كنت متوقعة نجاح دوري ولكن اللي حصل كان أكتر من توقعاتي بكتير، ولكن مش أول مرة يتعمل دور راقصة في رمضان، يمكن المشاكل كانت في حاجات تانية وأنا كنت مبسوطة جدًا لما اتعرض عليّ الدور".

تابعت: "كنت عايزه أعمل تغيير ولكن مش للدرجة اللي طلع بيها مكنتش دي النية ولا دي توقعاتي ولما اتفرجت اتخضيت زيي زي الناس، بس تمام عدت، كانت فترة صعبة جدًا ومكنتش متوقعة الانتقادات تبقى بالدرجة دي، اللبس كان فيه حاجات زيادة ولكن خلاص زي ما كانت في انتقادات في ناس حبت ده".

أضافت: "الانتقادات دي وقتها تعبت لي نفسيتي جدًا، علشان أدواري دايمًا رقيقة الناس بيحبوني أوي، فبعد العتاولة كانت دي أول مرة اتشتم، هي حصلت لكل الناس بس كانت تقيلة وصعبة عليّ أوي".

وأوضحت مي القاضي، أن والدتها حذرتها من ملابس شخصية الراقصة، قائلة: "أخدت رأي والدتي طبعًا ولكن هي حذرتني وقالت خلي بالك من اللبس، ولكني مش ندمانة على الدور يمكن الناس متقبلتهوش في رمضان وده موضوع تاني أو مش كل الناس بعض الناس، فممكن أعمله تاني ولكن مش دلوقتي، وهخلي بالي من حاجات كتير مش بس اللبس".