نجل نبيل الحلفاوي يعلن أسباب رفضه تقديم سيرة والده الذاتية

كشف المخرج خالد الحلفاوي، أسباب رفضه تقديم السيرة الذاتية لوالده الفنان الكبير الراحل نبيل الحلفاوي، الذي رحل عن عالمنا في كانون الأول (ديسمبر) 2024، بعد صراع مع المرض.

جاء ذلك خلال حلول الحلفاوي ضيفاً على بودكاست "مع رغدة" المذاع على "يوتيوب"، حيث رد على سؤال حول من يمكنه تقديم السيرة الذاتية للراحل نبيل الحلفاوي، قائلاً: "عمري ما هشوف ولا هاتقبل حد يقدم شخصية والدي نبيل الحلفاوي، مين هيقنعني إنه أبويا؟، ممكن أكتب السيرة الذاتية ولكن حد غيري يخرجها".

كما تحدث خالد الحلفاوي، عن مشاركة والدته الفنانة فردوس عبد الحميد، في أعماله الفنية، قائلًا: "ببقى متوتر لما والدتي بتشارك في عمل من إخراجي، ببقى خايف عليها وعايزها مرتاحة وطالعة بشكل كويس وتبقى راضية عن العمل.

وعن حصره في الأعمال الكوميدي، قال الحلفاوي: "إحنا عندنا سيستم في مصر غريب في المنتجين، إن اللي نفع في حاجة خليه هنا مش هنجربه في حاجة تانية، في مخرج بتاع أكشن ومخرج بتاع كوميدي ومخرج بتاع دراما، وأنا كسول ومش من النوع اللي أكتب وأدور، لأ اللي بيجيلي بختار منه وبالصدفة أول حاجة جاتلي كانت كوميدي فيلم زنقة ستات، ولكن المخرج مش المفروض يُصنف ويقدر يعمل أي حاجة".

وتابع: "أنا مش راضي وحاسس أني اتزنقت ووقت كتير راح في حاجة مش عايز أقول مكررة لأن كل عمل مختلف عن التاني، ولكن في كبت حد يخرجني من الحفرة دي يا جماعة".