حلا شيحة تنفي تصريحاتها السابقة عن زيجتها الثانية

رغم أن الفنانة حلا شيحة نشرت على صفحتها في "يوتيوب" فيديو تحدثت فيه عن تأثير زيجتها الثانية في حياتها، إلا أنها عادت لتنفي كل ما قالته في الفيديو بعد انتشار تصريحاتها على المواقع الإخبارية.

ونشرت حلا عبر خاصية القصص المصوّرة الملحقة بحسابها الرسمي في موقع "إنستغرام" صورة لعنوان أحد الأخبار المنتشرة والذي يقول "حلا شيحة: فترة زواجي من معز مسعود كانت أصعب فترات حياتي وعملتلي زلزال نفسي وسابت جوايا جروح متتعالجش أبداً"، وعلّقت حلا على الخبر قائلةً: "مش عارفة إيه الكلام ده ومين اللي نشره على لساني؟! ياريت اللي يكتب خبر يتحرى الدقة كويس قبل ما يكتب أي حاجة عني... أنا مقلتش الكلام ده نهائي".

وكانت حلا قد نشرت فيديو عبر قناتها في "يوتيوب" تحدثت فيه عن تفاصيل زيجتها الثانية، موضحةً أنها مرت بمرحلة نفسية صعبة عقب الطلاق، ومؤكدةً أنها لم تكن تشعر بالسعادة في حياتها كما كانت تصدّر للجمهور.

وقالت حلا: "لما لبست الحجاب المرة اللي فاتت ومكنتش عارفة أكمّل فيه لأن حصلت لي لخبطة الجواز والطلاق اللي كنت فاكرة أن الزيجة دي هتكون عوناً لي على حياة أفضل، وأي ست من حقها تتجوز ومن حقها إيه المناسب ليها لو ده هيساعدها إنها تقرب من ربّنا وده اللي ربنا أمرنا بيه، ولما لقيت الموضوع ده مش صح ومش متظبط وفيه حاجة غلط كانت الصدمة صدمتين لأني حساسة جداً وبتأثر أوي وبتعب نفسياً".

وأضافت: "رد فعلي بعد الطلاق الأوّلاني كان صعب وكنت بسمع كلام كتير إن لما حد عنده أولاد ومبيبقاش عايز يتطلق ولكنه بيمشي وهو مضطر بيبقى عنده تروما ورد الفعل بيغير كيمية دماغه، فأنا حاسة أن ده اللي حصلي حاجة اتغيرت جوايا من كتر الألم اللي كنت فيه حصلي حالة غضب وكنت بقول يا رب أنا زعلانة منك، أنا سيبت كل حاجة وجيتلك يا رب أنت ليه مش واقف جنبي، طبعاً ده كان غلط مني ولكن ده كان غضب وكنت حاسة أني بنتقم من جوايا من حلا، ودي مش الصورة اللي اتربيت عليها من طاعة وقرب من ربنا، وزعلت من نفسي فبقيت أحس إن أنا فعلاً في حاجة من جوايا مش مظبوطة".