ألفت عمر تثير الجدل بتصريحاتها عن الشهرة والتنازلات (فيديو)

خلال استضافتها في برنامج "قعدة ستات"، كشفت الفنانة ألفت عمر عن رأيها في تقديم الأدوار الجريئة، مؤكدةً أنها تفضّل ما وصفته بـ"السينما النظيفة"

وأشارت الممثلة المصرية الى أنها رفضت بطولة فيلم بسبب مشاهد القُبلات واللقطات الجريئة، قائلةً: "كان في فيلم من بطولة فيفي عبده كان فيه قبلة ورفضت الدور، الفيلم مطلعش بس كان تأليف الأستاذ فتحي عبد الستار الله يرحمه".

وتابعت: "أنا مش واخدة حقي في الوسط الفني والكثير من اللي بقوا نجوم دافعين تنازلات عن كرامتهم... كنت طالعة معاها في "دعوة فرح" والحمد لله كان الدور دا معلم جداً المسلسل دا عملت فيه دور حلو أوي الحمد لله نجح جداً فقالتلي إنتي معايا في اللي جاي وهتبقي بنتي، دور رئيسي، بس أنا عايزاكي تشيلي الحسنة دي".

وأضافت ألفت عمر: "أنا قولتلها ليه؟ قالتلي الممثل المفروض يتميز بتمثيله مش بحسنة في وشه عمر الشريف شال الحسنة بتاعته وأحمد السقا المفروض يشيل الحسنة بتاعته وأنتي المفروض تشيلي الحسنة بتاعتك، قالتلي على الدكتور بتاعها، أنا قلت لها إني هروح بس أنا مروحتش، وقلت لها إني روحتله وقالي أن الحسنة عميقة وليها جدر ولو اتشالت هتعمل على الشفة علامة، والحقيقة دا كلام حقيقي بس أنا مروحتش بس أنا كنت عارفة المعلومة".

مقالات ذات صلة

بسمة ترد على أخبار انضمامها لمسلسلات رمضانية

ريم سامي تطمئن الجميع على حالة طفلها بعد سقوطه على رأسه

الفنانة ألفت عمر مشاهيبر الفن نجوم مصر