آمال ماهر تكشف مواصفات فتى أحلامها (فيديو)

حلّت الفنانة آمال ماهر ضيفةً على برنامج "أجمد 7" الذي تقدّمه الإعلامية شيرين أبو الحسن عبر أثير إذاعة نجوم FM، حيث كشفت عن مواصفات فتى أحلامها، وإمكانية زواجها مرة أخرى، بعدما ظهرت بفستان زفاف في كليب أغنيتها "خبر عاجل"، من ألبومها الجديد "حاجة غير"، مؤكدةً أنها قد تتزوج ثانيةً إذا التقت بالشخص المناسب ولا تمانع في تكرار التجربة.

وقالت آمال: "وارد تشوفوني بالفستان الأبيض ليه لأ، وأنا معنديش مواصفات اللي ربّنا يجيبه كويس، أنا بس بدعي ربنا يرزقني بإنسان يتقي ربنا فيا".

وتابعت: "واللي عنده ثقة في نفسه مش هيشوف إني نجمة ويخاف من نجاحي، اللي عنده ثقة في نفسه هيحب نجاح المرأة، ودايماً العلاقات بيكون فيها تنازلات، ولكن المهم أنا متأثرش عليكي ولا على حياتك بالعكس تضيف، ومحدش طلب مني إني مغنيش ده مستحيل".

وكانت آمال ماهر قد علّقت على جدل لقب "صوت مصر"، قائلةً: "أنا مبحبش الكلام ولا اللغط في موضوع الألقاب، لأن أنا ممكن أكون رقم 1 عند حد وممكن أكون ولا حاجة عند حد تاني، فبأي حق أقول أنا رقم واحد؟ وأنا صوت إيه، الناس هي اللي بتقيّم وهي اللي بتدي اللقب للمطرب، وأنا بحب اسمي جداً وبالنسبة ليا إن الناس حابّاه وعارفاه دي حاجة اتشرّف بيها، واللي أنا عارفاه كويس أوي إني بحب اسم آمال ماهر، أنا هعوز إيه أكتر من أن الناس شايفاني أميرة قلوبهم".

وأضافت: "كون أن الناس بتلقّبك دي حاجة مش وحشة، دي حاجة همّا شايفينك فيها وحاطينك فيها ودي حاجة بتزوّدك مش بتنقصك".

شارك