محمد هنيدي في رأي حازم عن خطر التيك توك والبلوغرز

كشف الفنان محمد هنيدي عن رأيه في أزمة مشاهير الـ"تيك توك" التي أثارت ضجة خلال الأيام الماضية وتم القبض على عدد كبير منهم.

وجاء رأي هنيدي في سياق ردّه على بث مباشر للإعلامي محمود سعد، تحدث فيه عن الأزمة قائلاً: "محمود حبيبي المشكلة مش الذوق العام ولا فكرة تدخل الدولة، المشكلة أعمق بكتير، وهي إن نوع معين من المحتوى "الشعبوي"، اللي فيه حوار شعبي، شوية شتيمة، شوية إيحاءات جنسية، بقى بيعجب شرائح كبيرة جداً من الناس".

وتابع: "بصراحة حتى إحنا ممكن نوقف ونتفرج كفضول، الناس دي بقت مصدر جذب أكتر من السينما والتليفزيون، ومع كل لايك ومشاهدة بيطلع ناس تانية تسيب شغلها وتقول أنا كمان هعمل ده، في الأول بيبدأ لايف بسيط، ومع الوقت ومع قلّة الفلوس الناس دي تبدأ تزوّد في الانحدار علشان تجيب مشاهدات، والكارثة... الجمهور موجود".

محمد هنيدي: الجيل الجديد يرى أن "تيك توك" هو النجاح

وعن شهرة نجوم الـ"تيك توك"، قال هنيدي: "تيك توك بقى المنصة الأولى في الشرق الأوسط ومصر، لو نزلت مول هتلاقي 70% من الناس عارفين التيكتوكرز واحد واحد، بقى عندنا نجوم بيعملوا إعلانات، وبيتكرّموا، وبيتصوّروا في كل مهرجان، النتيجة؟ العقل الجمعي للمجتمع بيتغيّر، الجيل الجديد بقى شايف إن ده هو "الصح"، وده هو النجاح".

واختتم محمد هنيدي تعليقه بالقول: "ناس كتير، رغم إنها مش قادرة تعمل زيه، لكن بتحس بإحباط، واحد بيشقى 12 ساعة والتاني بيشتم أهله وبيقول لفظ خارج بيكسب أكتر منه بـ10 مرات، أنا مش مع المنع، بس صعب ننفي إن في خلل كبير، خلل بيمسّ العقول، والوعي، وشكل المجتمع نفسه، التأثير حقيقي، وخطر جداً على أجيال كاملة".

مقالات ذات صلة

أميمة طالب عارضة أزياء في أسبوع باريس للأزياء الراقية

ماجدة الرومي في ضيافة إلهام شاهين خلال زيارتها لمصر (فيديو وصور)

محمد هنيدي التيك توك أزمة مشاهير محمود سعد نجوم التيك توك الجيل الجديد نجوم الفن مشاهير الفن محتوى شعبوي البلوغرز