تامر حسني في حديث من القلب إلى جمهوره وأشخاص يريدهم خارج حياته (فيديو)

09 آب 2025 | القاهرة - "لها"

تامر حسني

تحدث الفنان تامر حسني، خلال بث مباشر على حسابه الخاص بـ"تيك توك" تناقلته مواقع التواصل الاجتماعي، عن كيفية تعامله مع التعليقات السلبية، بجانب الحديث عن كتابة وتلحين الأغاني وكتابة الأفلام.

قال تامر: "نفسي أقول لكل الناس أن للأسف في حاجات كتير بتحصل بسبب التعليقات السلبية، ممكن تموت بني آدم بكلمة وحشة، وأنا كفنان ياما سمعت ولكني اتمرنت أتعامل، ولكن البني آدم الطبيعي فعلًا بيتأثر، بطلب من الناس يتمرنوا إزاي يتعلموا يحولوا الطاقة السلبية لطاقة إيجابية".

وتابع: "بحب أفاجئ الناس بأفكار، ولما جيت أعمل أغنية come back to me الناس قالوا أنت مفكر نفسك إنجليزي؟، قولت إيه المشكلة ما نعمل ده وندخل الراب أصلًا، كان ده فكر جديد سنة 2009، ولغاية دلوقتي 2025 الأغنية بتتطلب مني بتوزيع جديد".

أضاف: "كتبت ولحنت أغنية يا نور عيني، وكانت من أنجح أغاني عمري، واتضح ليا أن في ناس مش عايزاك كويس أصلًا، في ناس بتحس بفرق رهيب لما تحس أنك حاجة، والإيجابي يقول الإنسان يدور جوا نفسه ويتشجع، أنا كتبت أفلام ودي مكنتش في نيتي، ولكن لما نجحت وركزت طلعت اللي جوايا".

وأكد تامر حسني، أن لديه أشخاصًا كثيرين يريد أن يخرجوا من حياته، قال: "كل الناس عندهم حد عايزين يخرجوه من حياتهم.. بيبقي حوالينا أحيانا ناس عاملين بيحبونا وهما مش بيحبونا علشان كده أغنية حفلة تخرج من حياتي كانت بتعبر عن الموقف ده".

وأكد أن لهجته السورية في فيلم "الفلوس" كان صوته الحقيقي وليس دوبلاج، مشيرًا الى أن البعض كان يعتقد أنه تم استخدام الدوبلاج.

تامر حسني يروي كواليس أول أغنية في مسيرته

وتحدث تامر حسني، عن كواليس أول أغنية في مسيرته وهي "راحت حبيبتي مني"، مشيرًا الى أنه تعرض للهجوم بعد طرحها، وقال: "قالوا لي أنت لحقت تنجح، أمَّال لو الأغنية فشلت كنت عملتو إيه ممكن يكون حد ورا ده أو حد مش معجب أنك تعمل كذا حاجة".

وأضاف: "يعني أنت مضايقك إني أنا لحنت طب أنا هلحن تاني. كان ممكن أحبط وأقول مش هلحن تاني لكن لحنت تاني وغصب عني رحت كتبت ولحنت أغنية يا نور عيني ونجحت جداً".