كارمن سليمان تدافع عن شيرين عبد الوهاب

دافعت الفنانة كارمن سليمان، عن الفنانة شيرين عبد الوهاب، بعد جدل حفلها في ختام مهرجان موازين، خاصة أن كارمن افتتحت المهرجان وحققت نجاحًا كبيرًا لدى الشعب المغربي، موجهة رسالة دعم لشيرين ومعلقة على إمكانية تعاونهما مستقبلًا.

قالت كارمن في إحدى الندوات الصحافية: "مبسوطة جدًا بنجاح الحفلة بتاعتي في مهرجان موازين وفخورة إني افتتحت مهرجان عالمي زي موازين".

مضيفة: "شيرين عبد الوهاب مش فنانة أتكلم عليها كلمتين، هي فنانة كبيرة جدًا، وليها تاريخ كبير أوي أنا بحبها أوي، وأنا شايفة إن حفلتها في مهرجان موازين ناجحة جدًا".

تابعت: "أنا معرفش إيه اللي حصل في الحفلة نفسها ولكن الفيديوهات اللي شفتها أظهرت أن الحفلة كانت من أنجح الحفلات اللي اتعملت في مهرجان موازين، وياريت طبعًا يكون في بينا تعاون خلال الفترة اللي جاية هبقى مبسوطة جدًا".

كارمن سليمان تتحدث عن ألبومها الجديد

كانت كارمن سليمان، قد طرحت خلال الفترة الماضية ألبومها الجديد "أصح غلطة"، وذلك بعد غياب عن طرح الألبومات فترة كبيرة، وعلقت قائلة: "بقالي سنين بنزل أغاني سينغل، وخطوة الألبوم مكنتش سهلة خالص، كانت محتاجة وقت ومجهود واختيارات كتير وتفكير كتير علشان الألبوم يكون حاجة على بعضها حلوة، خطوة سعيدة بيها جدًا وكانت خطوة شايفة إنها متأخرة ولكن كل تأخيرة وفيها خيرة، وكل حاجة هتبدأ فعلًا من هنا، وبقيت حابة إني أعمل ألبومات على طول، وبنزل أغاني الألبوم على أيام متفرقة لأني متعودة على الأغاني السينغل، فحبيت أن الألبوم مينزلش على بعض كله علشان مفيش أغنية الناس تغفل عنها".

مقالات ذات صلة

محامي شيرين عبد الوهاب يوضح سبب خسارتها قضيتها الجديدة

محامي شيرين عبد الوهاب يردّ على تقارير إفلاسها ومنعها من رؤية ابنتيها

كارمن سليمان شيرين عبد الوهاب شيرين مهرجان موازين أصح غلطة أغاني سينغل ألبوم