تامر حبيب يخرج عن صمته بعد رقصه مع إنجي علي (فيديو)

أثار السيناريست تامر حبيب جدلاً واسعاً على مواقع التواصل الاجتماعي بعد ظهوره في فيديو وهو يرقص بعفوية رفقة الإعلامية إنجي علي، على أنغام أغنية "بابا" لعمرو دياب، حيث واجه حالة ما بين مؤيد لروح البهجة والتلقائية، ومنتقد لما اعتبروه تجاوزاً غير لائق.

وخلال لقاء له مع قناة "المشهد"، رد تامر حبيب على تلك الانتقادات قائلاً: "كنا قاعدين سوا، أنا وإنجي، وبنسمع الأغنية ومستمتعين بيها، مكنتش واخد بالي إن في تصوير أصلاً. وطول ما عمرو دياب بيتسمع، سواء لايف أو من السماعات، بكون في قمة سعادتي. والألبوم كان لسه نازل، وأنا حبيت أغنية "خطفوني جداً"".

View this post on Instagram

A post shared by Al Mashhad Light المشهد لايت (@almashhadlight)

تامر حبيب: "طالما أنا صادق مع نفسي يلقى مش فارق معايا"

وفي ردّه على الهجوم الذي شنّه بعض المتابعين عليه، قال حبيب: "طالما أنا صادق مع نفسي، ومش بضر أو بأذي حد، وفي ناس وصلت لهم طاقة البهجة اللي كنت فيها وحبوها، يبقى خلاص… الباقي مش فارق معايا".

تامر حبيب يكشف للمرة الأولى سرّاً عن "تيمور وشفيقة"

كان تامر حبيب قد كشف للمرة الأولى خلال لقائه ضمن برنامج "التوليفة" مع الكاتب أحمد مراد عبر إذاعة ونجوم FM، عن تعرضه لانتقادات شديدة من السيدات بسبب قصة فيلم "تيمور وشفيقة" الذي قام ببطولته الفنانان أحمد السقا ومنى زكي.

وحكى تامر قائلاً: "أنا اتهنت إهانة، اتمسح بكرامتي الأرض، من ستات مصر اللي شايلين قضية حرة أنا، لكن في ستات كانت تقولي هاتلي بس "تيمور" الحمش اللي يخلي باله مني وأنا أقعد في البيت منزلش منه".

وتابع: "أنا كنت كاتب نموذج من أصحابنا الراجل الحمش اللي بيفضل يقول متعمليش كذا وهما بيبقوا فرحانين، "شفيقة" كانت بترد وبتعمل اللي هي عايزاه في الآخر، بس لما جت فكرة إنها سابت الوزارة والله العظيم أنا لو أعرف أنهم هيحسوا بالمهانة أو هيتفهم من وراه إني عايز أرجع عصر سي السيد هغيّر النهاية، أنا مش عايز أكون الراجل اللي بيدعو إن الست تتخلى عن أحلامها عشان خاطر حد، بس الفيلم خلص بخناقة مش أنها بتتخلى عن حاجة".

واختتم تامر حبيب كلامه مؤكداً: "كان دايماً بيتعمل مقارنة مع فيلم "مراتي مدير عام"، لكن الفكرة إن فيلم "مراتي مدير عام" أحداثه كلها كانت بتدور في شركة، لكن في "تيمور وشفيقة" أنا كنت بتكلم عن الحب البريء بين الجيران".

مقالات ذات صلة

منى زكي رداً على جدل تقديمها لفيلم "الست": "هحاول أحترم كل الآراء"

عمرو دياب يواصل تصدُّر المشهد الموسيقي بثلاثة مليارات استماع

تامر حبيب إنجي علي رقص فيديو انتقادات عمرو دياب لقاء الألبوم تيمور وشفيقة انتقادات شديدة أحمد السقا منى زكي أحلام حب بريء مراتي مدير عام نجوم الفن مشاهير الفن أحمد مراد ستات مصر