هكذا ردت ميار الببلاوي على منتقدي حفل خطوبة ابنها (فيديو)

ردّت المذيعة والممثلة المعتزلة ميار الببلاوي خلال حلقة من برنامج "أنا حوا" الذي تقدّمه على قناة "الشمس"، على المتنمّرين عليها وعلى حفل خطوبة نجلها.

وقالت ميار: "من كام يوم كانت خطوبة ابني الجو ما شاء الله كان مليان حب وضحك كل الناس كانت بتفرح معانا وشكراً لكل الناس ولمحبتكم، وسط كل الحب دا كان في جزء تاني في المشهد اللي للأسف بنشوفه كتير على مواقع التواصل الاجتماعي ناس بتدخل على الصور والفيديوهات وتقرر تحكم على العروسة أو على العريس أو شكل الفرح أو تفاصيل صغيرة ماتخصهمش لون الفستان وديكور القاعة".

وأضافت: "في حالتي أنا لقيت ناس دخلت تعلّق على إني وقعت واتعورت في ركبتي في نص اليوم، في ناس ربنا يكرمكم خدت الموضوع هزار وقالت أمثال وتعليقات جميلة زي سلامتك أم العريس بتخزي العين مع أن الحقيقة أنا كنت بتألم جداً وكنت مكسوفة أوقف الحفلة وأضايق الناس وكان كل همي محدّش يقول للعريس لو سمحتوا".

ميار الببلاوي: لن أسامح مَن تنمروا عليَّ

وأردفت ميار الببلاوي بالقول: "هحكي الموضوع ببساطة عشان الناس اللي تنمّرت عليّ وكتبت تعليقات أنا عايزة أقولهم أنا مش مسامحاكم، وأي حد بيكتب تعليق دا بيبقى زي غيبة لصاحب الموضوع اللي بيتكلم عنه وربنا سبحانه وتعالى مش هيسامحه يوم القيامة إلا لما الشخص دا يسامحه، وأنا مش مسامحة لأن الناس دي اتسبّبت بأذى ليّ بعد فرحتي الكبيرة بابني ووجعوا قلبي جداً وخلّوني عيطت وضايقوا العروسة جداً".

وحكت ميار الببلاوي عما حدث معها، قائلةً: "الناس قعدت تقول إن أنا بمثّل، اللي حصل إن "الدانس فلور" اللي كان عليه العريس والعروسة بيرقصوا حصل فيه سرطنة في الإزاز، هو بيبقى نوع من أنواع الإزاز، وفي القاعة نيموا كرسي حوالين المكان علشان محدش يقع ويتعور أنا مكنتش شايفة اللي حصل، وأول ما جيت وعاملة فيها البنت اللي بتدير الموضوع، لما لقيت الكرسي واقع رحت أرفعه وقعت بكل جسمي وأنا مليانة فوقعت بركبتي جوا الإزاز، رجلي اتقطعت وركبتي، والناس كانت بتقول كان معاها مرهم، المرهم اللي أنا كنت ماسكاه أنا مجبتوش واحد راح دوّر وجابهولي ودهنولي بيه وكل همي إني مبيّنش لابني عشان مبوّظش الفرح، الناس اللي افترت واتبلّت عليا وقالت إني بعمل كل دا عشان أشيل العين أو بمثّل أو عايزة الترند أنا بقولكم التنمّر دا بيجرح القلب وبيجرح الناس، ويا ريت أي حد قبل ما يكتب تعليق يسأل نفسه الكلمة دي هتضيف ولا هتجرح حد".

مقالات ذات صلة

سمية الخشاب توجّه رسالة الى السيدات بسبب زيادة وزنها (فيديو)

أريانا غراندي تتعرّض للانتقادات اللاذعة بسبب شكلها ونحافتها

ميار الببلاوي برنامج أنا حوا قناة الشمس خطوبة المتنمرين ديكور القاعة تنمر تعليقات الدانس فلور المسؤولية التعليقات نجوم الفن مشاهير الفن مواقع التواصل الاجتماعي