مصطفى قمر يكشف رأيه في الترند وعمليات التجميل ويفجّر مفاجأة عن "مسار إجباري" (فيديو)

حلَّ الفنان مصطفى قمر ضيفاً على بودكاست "البودكاسترز" الذي يقدّمه باسل الزارو وكريم ريحان على "يوتيوب"، حيث تحدث عن كواليس حياته الشخصية والمهنية وكيف كان لشكري أبو عميرة الفضل عليه في تقديم أول فيديو كليب، كما كشف عن رأيه في الترند وهل يمكن أن يخوض تجربة عمليات التجميل، مؤكداً خروج فرقة "مسار إجباري" من عباءته.

وقال قمر: "في ناس بتدفع فلوس علشان الترند وزمان كان ممكن تدفع علشان تكون غلاف مجلة أو تطلع في برنامج سياسي شهير، وشكري أبو عميرة أول من قدّم لي فيديو كليب، رغم إني كنت خايف في الأول".

وأشار مصطفى قمر الى أنه يصنع أغاني وفناً يعيش لسنين من بعده، قائلاً: "إحنا اللي بنصنع الترند وأنا لما بعمل ترند بيعيش، لما أعمل أغنية زي سكة العاشقين الناس هتقول بعدين كان في واحد جامد بيغنّي اسمه كذا، وولادي وأحفادي يفضلوا يتكلموا عني، غير ناس بتعمل أغنية بتعيش 3 شهور فقط".

وأضاف: "فرقة "مسار إجباري" طالعين من عباءة مصطفى قمر... وصيام الجيتاريست في الفرقة كان بيقعد على رجلي وبيتفرج عليَّ وأنا بلعب الغيتار زمان ودلوقتي بقى أستاذ... وهو قالي إحنا طلعنا من الأغاني بتاعتك... وحد من فرقة "كايروكي" برضه قالي إنت مأثر فينا وفي فرقتنا ودي حاجة بتبسطني".

مصطفى قمر: لا أمانع في خوض تجربة عمليات التجميل ولكن...

وعن رأيه في عمليات التجميل وهل من الممكن أن يخوض التجربة، قال مصطفى قمر: "مفيش مانع إني لما أعجز شوية أو يحصل أي حاجة في وشي أو أحس بعدم نضارة عادي لو أخدت فيلرز، بس حتى الآن مش بعمل حاجة والموضوع جاي من ربنا".