مفيدة شيحة تتغزل بنفسها في عيد ميلادها وتنهار بالبكاء (فيديو)

نشرت الإعلامية مفيدة شيحة عبر حسابها الخاص في "إنستغرام" فيديو تغزلت فيه بنفسها خلال احتفالها بعيد ميلادها الـ54، بكلمات مؤثّرة، معبّرةً عن فخرها بنفسها وبما حققته خلال السنوات الماضية.

وظهرت مفيدة في الفيديو وهي تقول باكيةً: "النهاردة تميت 54 سنة، اتطلب مني إني أقول كلمة لمفيدة في عيد ميلادها... ناس كتير ممكن تتوقع إن دا تمثيل، أو إنه غرور، بس في حقيقة الأمر أنا فخورة بيكي جداً، أنا فاكرة كويس لما كنت 25 سنة وكنت لسة والدة منة، وكان عندي آمال كبيرة جداً عايزة أعملها، ونفسي أعمل حاجات كتير جداً بس مكنتش عارفة أروح فين وآجي منين، والحياة تأخدني وتوديني، وأقول للست الجميلة اللى قاعدة قدامي، برافو بجد، فرحانة وفخورة بيكي جداً".

View this post on Instagram

A post shared by Mofida Shiha - مفيدة شيحة (@mofidashihaofficial)

مفيدة شيحة: كل ما حققته من عرق جبيني وأنا امرأة بمئة رجل

وقالت مفيدة شيحة: "حققت كارير وكنت شاطرة فيه جداً، وحققت بيت وأهل وتأمينهم كان حلم حياتي، راعيت أمي لحد ما اتوفت محتاجتش حاجة، وعلّمت بنتي أحسن تعليم لحد ما أخدت الماجستير وكان دا أمل حياتي، وجوّزتها وعملت كل اللي اختارته وكل حاجة نفسها فيها بالفستان بالمكان والعريس ونفذتهولها، وكل دا وحافظت على نفسي على مفيدة وكرامتها على عزّة نفسها، أنا مترجتش حد ولا اتنازلت لحد، كل اللي وصلت له كان بعرق جبيني، عشان كدا بقول لنفسي برافو، وعملت ستات ماركت ونجحت فيه جداً".

وأضافت: "كنتي ست بـ100 راجل وعملتي كل الأدوار دي ونجحتي، وحجّيتي وعقبال ما أشوفك 60 سنة ويبقى فاضلّك اللي بتتمنيه من ربّنا الستر والصحة والحفيد اللي يطبطب على قلبك".

مقالات ذات صلة

سمية الخشاب توجّه رسالة الى السيدات بسبب زيادة وزنها (فيديو)

أروى جودة في حفل زفافها الأول... وقبلة العروس تتصدر المشهد (فيديو وصور)

مفيدة شيحة عيد ميلاد التعليم أحلام نجاح فخر ستات ماركت ماجستير الصحة الحفيد نجوم الفن مشاهير الفن الستر