آيتن عامر في رسالة الى والدها الراحل: "تعبت وزهقت"

نشرت الفنانة آيتن عامر عبر حسابها الخاص في "إنستغرام" صوراً تجمعها بوالدها الراحل، باستخدام تقنية الذكاء الاصطناعي (AI)، التي أصبحت من أبرز ترندات مواقع التواصل الاجتماعي خلال الفترة الأخيرة.

ووجّهت آيتن من خلال الصور رسالة مؤثرة الى والدها الراحل، قالت فيها: "وحشتني أوي أوي أوي وحقيقي محتاجالك، الدنيا مش حلوة يا بابا ولا الناس كمان، كل مرة بتحط في اختبار صعب أو أزمة مفيش حد بيجي في دماغي غيرك، أول واحد بيبقى نفسي أجري عليه وأقوله الحقني بيبقى أنت".

وأضافت: "وجودك كان هيفرق أوي، يمكن عمري ما قولت إن غيابك مسبّبلي أزمة كبيرة ولا قولت اللي جوايا، بس هييجي يوم وأبقى قوية كفاية إني أواجه وجع قلبي وأطلّع كل الكلام اللي جوايا. زعلانة منك في حاجات ومفتقداك في حاجات أكتر بكتير، ومتأكدة إنك لو كنت موجود كنت هتبقى السند، بس غيابك خلاني أنا السند لنفسي وللي حواليا كمان، لأني فيا منك كتير خصوصاً قوتك وجدعنتك مع الكل".

View this post on Instagram

A post shared by Ayten Amer (@aytenamer)

آيتن عامر: لن أبرّر أو أدافع عن نفسي بعد اليوم

وتابعت: "بس أنا تعبت من كتر القوة وزهقت، مبقتش عايزة أدخل حروب ولا عايزة مشاكل، اللي عايز يفهم حاجة يفهمها واللي عايز ياخد فكرة ياخدها، لا هبرر ولا هدافع. بس اتطمن بنتك بميت راجل، ومهما قابلت هتفضل واقفة وراسها في السما، هتاخد استراحة محارب وعمرها ما هتبدأ حروب، بس دايماً هتكون مستعدة لأي حاجة، وساعتها مش هيكون في احتمالية للخسارة".

وأردفت آيتن قائلةً: "بحبك ووحشتني وزعلانة منك ومشبعتش منك، وجوايا وجع كبير، بس مش هقولك غير كلمة واحدة: اتطمن بنتك قدها".

واختتمت آيتن عامر حديثها بالقول: "الترند صورة متصورتهاش، ده ترند منتشر أوي اليومين دول، وأول ما السوشيال ميديا تيم بعتولي الصورة لقيتني بكتب كلام كتير من قلبي، وجوايا أكثر من كده مليون مرة. عندي صور كتير أوي ناقصها وجود بابا حقيقي، آسفة لو طوّلت عليكم شكلي فضفضت أوي".

مقالات ذات صلة

سمية الخشاب توجّه رسالة الى السيدات بسبب زيادة وزنها (فيديو)

تصاميم "سربينتي" من "بولغري" تليق بشخصية الشيخة موزا بنت ناصر

آيتن عامر الذكاء الاصطناعي رسالة مؤثرة نجوم الفن مشاهير الفن سند مشاكل قوة