يسرا اللوزي بتصريح صادم عن الممثلين الجدد (فيديو)

حلَت الفنانة يسرا اللوزي ضيفةً على برنامج "أسرار النجوم" الذي تقدّمه إنجي علي من خلال إذاعة "نجوم إف إم"، حيث شنّت هجوماً على الجيل الجديد من الممثلين، وأبدت استياءها من تصرفاتهم، موضحةً أنهم لم يتعلّموا أصول مهنة التمثيل وكيفية التعامل مع فريق العمل من الأجيال القديمة.

وقالت اللوزي: "الشغلانة كان ليها أصول وفي حاجات تصح وحاجات متصحش، شهرة السوشيال الميديا السريعة يعني النهاردة مش معروف وبكرة معروف أوي وعنده مليون متابع وبقى شايف نفسه حاجة، الشخص ده بيصعب عليا لأنه ضحية لأن الموضوع بيضرب في دماغه وبيجيله جنون عظمة، والواحد لو مش ثابت أوي وعارف أصله هيروح بسرعة".

وتابعت: "الناس دي بتروح في حتة غلط وسمعتهم بتبقى وحشة وبيعملوا شغل وحش ورافضين يذاكروا، ومبيحترموش الخبرة ومش عارفين القوانين بتاعة التعامل في فريق العمل، والجيل ده بجد محتاج يقعد مع الجيل الأكبر منه قبل ما يروح ويشوف بيتعامل ويشتغل إزاي.

View this post on Instagram

A post shared by NogoumFM (@nogoumfm)

يسرا اللوزي عن مشاركتها في فيلم "صقر وكناريا": "حبيت أقدم كوميدي"

وعن تفاصيل مشاركتها في فيلم "صقر وكناريا"، قالت يسرا اللوزي: "فيلم "صقر وكناريا" جالي فجأة بعد رمضان وحبيت إني أشارك فيه، ودي أول مرة أشتغل مع أستاذ حسين المنباوي، وأول ما عرفت أني هبقى مع شيكو افتكرت أيام فيلم "بنات العم" ومشاهدنا وعلاقتنا، كنت بضحك في الفيلم".