تامر حسني يستعرض ذكرياته مع الفقر ويوجّه نصيحة لجمهوره (فيديو)

نشر الفنان تامر حسني على حسابه الخاص بـ"إنستغرام" مقطع فيديو من أحد أفلام الأنيمي، كشف من خلاله عن تفاصيل مثيرة حول بداياته الفنية، موجّهًا رسالة الى جمهوره دعاهم فيها الى التمسك بالأمل وتحدي الصعاب، مستشهدًا بتجربته الشخصية، حيث عاش طفولة مليئة بالفقر والتفكك الأسري، لكنه لم يستسلم، وتمكن في النهاية من تحقيق النجاح.

ونشر تامر الفيديو مصحوبًا بمقطع من أغنيته الشهيرة "طول ما أنت مش تمثال"، وكتب معلقًا عليه: "حبايبي اللي بيفكروا حالًا، دي رسالة ليكم.. قضبان سجن أفكارك السلبية هي من صنعك أنت، محدش حابسك والله، أنت اللي حابس نفسك، مجرد ما تبطل تفكر بشكل يائس، هتقع كل القضبان، وهتخرج من سجنك، وهتنجح، وهتحقق كل اللي نفسك فيه وأكتر.

View this post on Instagram

A post shared by Tamer Hosny (@tamerhosny)

تامر حسني: تحديت الفقر والتفكك الأسري

وتحدث تامر عن الصعوبات التي واجهها في مشواره قائلًا: "أقسم بالله، قبل ما أنجح، ياما كنت بسمع جمل زي: أنت مستحيل تنجح، صوتك مش هيوصل، ما فيكش مواصفات النجم، غير الفقر المادي القارص، والتفكك الأسري من وأنا عندي 7 سنين.. يعني إحباط من كل الجوانب، بس عمرّي ما يئست ولا سمعت للكلام المُحبط، بالعكس كان بيحمّسني أكتر، ويزودني عناد للوصول".

وأضاف: "خليكم كده، قوموا اتحركوا واسعوا.. الحياة لا بتحب ولا هتضحك للمستسلم، ولو مش عاجبك مكانك في الدنيا غيّره، أنت مش تمثال".

تامر حسني يواصل رسائله التحفيزية

كان تامر حسني قد نشر عبر حسابه الرسمي على موقع "إنستغرام" مقطعًا من فيلم كرتوني يتناول فكرة مواجهة المستحيل، مؤكدًا أن الإيمان بالنفس والشعور بالدعم يمنح الإنسان القدرة على تحقيق ما يبدو بعيد المنال.

وواصل حيني رسائله التحفيزية للشباب قائلاً: "قد إيه ده فيديو عظيم، كلنا لما بنفكر ناخد خطوة للأمام أو خطوة جديدة للنجاح مش بنبقى عارفين هننجح ولا لأ، بس بنحسبها صح ونحضر لها صح مع الناس الصح في التوقيت الصح، هيبقى فاضل أهم حاجة وهي إيمانك بالخطوة وحبك وشغفك الخارق ليها".

وأوضح أن المشهد الذي يظهر فيه الطفل وكأنه يمشي في الهواء يرمز للأحلام المستحيلة التي يمكن أن تتحقق بالثقة بالنفس، وليس للمشي على الهواء بمعناه الحرفي".

وأكد أن الحاضر هو مفتاح النجاح الحقيقي، قائلًا: "ركز في الحاضر عشان ده بس اللي ملكك، وهو ده الوقت اللي لو حبيته هيحبك ويقف معاك ويساعدك تجري بأسرع ما يمكن.. حب حاضرك رغم أي مشاكل فيه وتحدى صعوباته، خد حالًا أحلى قرار ينجحك، محدش هينفعك غير مجهودك وسعيك ومتبصش وراك أرجوك.. نهاركم كله خير".

مقالات ذات صلة

تامر عاشور يوضح حقيقة تقديمه دويتو غنائياً مع شيرين عبد الوهاب (فيديو)

سمية الخشاب توجّه رسالة الى السيدات بسبب زيادة وزنها (فيديو)

تامر حسني ذكريات فقر نصيحة جمهور بدايات الأمل تحدي الصعاب طفولة تفكك أسري نجاح أغنية طول ما أنت مش تمثال إحباط صعوبات دعم إيمان بالنفس نجوم الفن مشاهير الفن