جويل مردينيان تعلّق بسخرية على انتقادات إطلالتها في الجونة

ردّت خبيرة التجميل جويل مردينيان على الجدل الذي أثارته بفستانها الذي وُصف بأنه جريء خلال مشاركتها في "مهرجان الجونة السينمائي" 2025، مؤكدةً أنها لا تكترث كثيراً للتعليقات والانتقادات التي تطاولها.

وقالت جويل: "بتوقع يكون في تعليقات سلبية، أكيد عالم ما بتحب، بس أنا مبسوطة، وزوجي مبسوط. جربت أمامه 6 فساتين قبل مجيئي، وسألته أي فستان بلبس على الافتتاح؟ قال لي كلهم حلوين. خلص زوجي راضي، وأنا راضية. هذا ستايلي، شو بعملكم؟".

وأكدت في لقاء مع برنامج "Et بالعربي" أن ذوقها في الأزياء يعكس شخصيتها، حيث قالت: "يعني إذا بتطلع اليوم وحدة لابسة شروال، بدي روح قول لها ليكي إزعجتيني؟".

وتابعت: "أنا حبّيت الفستان، حسّيت حالي متل الأميرة. تحت الفستان لابسة مايو، يعني هو بيجي معه بودي، ماني مزلّطة تحت الفستان. هيدا حكي الجيران! هيدا ما بيوصل لأي محل بالدنيا".

وأضافت بحدّية: "ما تيجوا هلق تقولوا لي عن فستانك. إحكوا عني عن قدّي أنا بدعم غزة سنتين ما حدا حكى عن هالموضوع. الناس حطّوا عنه أسبوعين ونسيوه، بس أنا كل يوم، بخسر مصاري، بخسر علاقات، بس ما وقفت. وين العالم بتحكي عن هيدا؟ وقف عالفستان؟ بشو زعجكم؟ شو أثر فيكم الفستان؟ اللي ما حبه ما يطلّع؟".

واختتمت جويل مردينيان حديثها بالقول: "كل واحد يعمل اللي هو بحبّه. نحنا ليه ما منكون مَلهيين متل الكارداشيانز؟ مين جورجينا؟ ليه مَلهيين نحنا؟ بيونسيه، جينيفر لوبيز؟ وإذا نحنا طلعنا بفستان باين شوي، بتقلب الدنيا؟ احسبوا الحسبة وشوفوا ليه نحنا مش مسموح إلنا! أنا امرأة حرة، وبحب كل امرأة تكون حرة، لأن الإنسان لازم ينحكم عليه من جوا، شو في بقلبه، قدّيش بيحب الآخرين، وقدّيش بيعطي".