حسن الردّاد يوضح أسباب غياب زوجته إيمي سمير غانم عن "الجونة"

كشف الفنان حسن الرداد السبب الحقيقي لعدم حضور زوجته الفنانة إيمي سمير غانم، فعاليات الدورة الثامنة من "مهرجان الجونة السينمائي"، بجانب الحديث عن إمكانية ظهور ابنيهما معهما خلال الفترة المقبلة.

وقال الرداد، في تصريحات على هامش المهرجان: "إيمي مقدرتش تيجي مهرجان الجونة، لأن ابننا كان تعبان شوية، وإن شاء الله الدورة اللي جاية أو أي حدث فني تكون موجودة".

وعن إمكانية ظهور نجليهما معهما، علّق الرداد قائلاً: "ممكن ابني وبنتي يظهروا معانا قريب، وأنا كنت بقول في البرامج لما والدتي كانت عايشة أن لو ربّنا رزقني بأولاد لازم أسمّي فادي وفادية، ولو خلّفت أكتر من كده مراتي تسمّي، وده قولته قبل ما أعرف إيمي، وهي نفسها كانت موافقة على الأسماء من وهي حامل".

حسن الرداد: مهرجان الجونة ليس "ريد كاربت" فقط

أما عن حرصه على حضور فعاليات المهرجان، فقال حسن الرداد: "لما بروح مهرجان بحب إني أحضر أكتر حاجة ممكنة لأن المهرجان مش ريد كاربت ولا مجرد احتفالية، طبعاً الاحتفالية جميلة ولكن بحب أحضر الندوات وأقابل الفنانين، يعني النجوم اللي متجمعين هنا صعب جداً إننا نتقابل في القاهرة، فببقى سعيد إني شفت أصدقائي واتعرّفت على ناس جديدة، وبشوف الأفلام وبحضر الندوات".